Paunak 27:1 - Tedim Bible

¹ Zing ciang hun-a ding kima-sialh kei in, tu leh tua hun kikal-a piang ding na thei kei hi.

Tedim Bible Revision 2017

¹ Zing ciang hun ading kima-sialh kei in. Tu hun le tua hun kikalah a piang ding thu bangmah na thei kei hi.

Paunak 27:1 Referans Kwoze

2 KORIN NIHNA 6:2

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.

1 SAMUEL MASA 28:19

Tua tham loin Topa in Israel mite zong nang tawh Filistiate khut sungah hong piakhawm ding hi; zing ciangin nang leh na tapate in zong kei kiang nong zuan ding uh hi; Topa in Israel galkapte zong Filistia-te’ khut sungah pia ding hi,” a ci hi.

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

Late 95:7

Bang hang hiam cih leh amah in eite’ Pasian hi a, eite in ama hong kep mite leh ama khut sunga om tuute i hi hi. Tu ni-in hih bangin ama hong thugen za un:

1 KUMPI MASATE 20:11

Tua ciangin Israel kumpipa in dawngin, “Ama kiangah gen un, ‘Galhiam a suahkhiapa bangin galhiam a kuahpa kiphasak kei hen; ci un,” a ci hi.

Esther 5:12

Tua ciangin Haman in, “Hih teng bek hi nai lo lai hi; Kumpinu Esther nangawn in ama bawlsa an kumpipa tawh a ne khawm dingin kei sim loh mi dang kuamah paisak lo hi. Zing ciangin zong kumpipa tawh kei hong sam khawm hi.

Thuhilh-sia 8:7

A hong piang ding thu i thei kei a, a hong gen thei zong kuamah om lo hi.