Paunak 26:5 - Tedim Bible

⁵ Mihaite a pil kisa kha ding uh ahih manin, amau’ haina tawh kizui-in dawng in.

Tedim Bible Revision 2017

⁵ Mihaite a pilin a kingaihsut khak loh nadingin amauʼ haina tawh kizui-in dawng zaw in.

Paunak 26:5 Referans Kwoze

ROM (Romans) 12:16

Khat leh khat na lungsim uh na kituaksak un. Min san’na na lunggulh kei un. Lung kiniamsakna deih un. Kei mipil mi ka hi ci-in kingaihsun kei un.

Paunak 28:11

Mihaupa pen amah pil kisa a, ahi zongin a zawng mipilpa in, a haupa’ haina phawkkhia veve hi.

Titu 1:13

Hih teci thu a man hi. Tua ahih ciangin amaute in Judah mite tangthu ahi zongin, thuman thutak a paaikhia mite’ thukhamte ahi zongin thudon loin, upna thu-ah a kip nadingun amaute nakpi-in taai-in na hilh in.

ROM (Romans) 11:25

Ute naute aw, na kisaktheih loh nadingun Gentailte khempeuh hong lut khit matengin, Israel mite tungah khuamialna tawm a tung hi ci-in hih thuthuk thei loin na om ding uh ka ut kei hi.

Johan 8:7

Amaute in a dot sawnsawn uh ciangin ding a, “Note lakah mawh nei lo mi khat in numei suang tawh deeng masa hen,” a cih khit ciangin,

Paunak 26:12

A pil lo kimlai pil a kisapa sangin, mihaite’ adingin lametna om zaw lai hi.

Paunak 26:4

Mite’ hai thudotna dawngdawng lecin, nang zong amau mah banga a hai na hi hi.

Paunak 3:7

Nangmah mah a pilin kingaihsun tawm kei in la, Topa zahtakin, a sia pel in.

Isaiah 5:21

Amau’ mit-ah pil kisa a, amau’ muhna-ah siam a kisate in gimna ngah ta hen!

Paunak 26:6

Mihai khat kamtai-a a zangpa in, ama khe mah a sattan tawm, siatna a zongpa ahi hi.