Paunak 26:27 - Tedim Bible

²⁷ Mi siahna-in gum a tote, ama gum tawhna sung mah-ah amah leh kiat zawsop a, mi a deng kha dinga suang a khukte, ama suang khuk mah in amah leh khak zaw hi.

Tedim Bible Revision 2017

²⁷ Mi siahna-in gum a tote amauʼ gum tawhna sung mahah leh kiat zawsop uh a, mi a deng kha dingin suang a khukte amauʼ suang khuk mah in amau mah lehden kha zaw hi.

Paunak 26:27 Referans Kwoze

Paunak 28:10

A dik mi khat, siatsak ding a hanciampa pen, ama tawhsa gum sung mah-ah kia ding a, a dik mipa in gamh hoih luah ding hi.

Late 9:15

Amau bawlsa gum sungah minamte kiasuk uh a, a ngenthang siahna sung uh-ah amau khe mah a awk hi.

Late 10:2

Migilote in kiphatsakna tawh mizawngte uuk delh uh hi; amau ngaihsut vaihawmna mah-ah amaute awk sak in.

Thuhilh-sia 10:8

Gum a tote, gum sung mah-ah kia ding a, mi’ phung a phelsakte, gul in tu ding hi.

Late 57:6

Amaute in ka khe, thang hong siah uh hi; lungkhamin hong koih uh hi. Ka pai nading ah gum khat to uh a, ahih hangin tua sungah amaute mah kia uh hi.

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman khai lum uh hi. Tua ciangin kumpipa’ hehna dam hi.

Esther 9:25

Ahih hangin kumpipa in hih thu a theih ciangin, Judah mite suk nadingin Haman in a geelsa thuhoih lopen Haman’ lutung mah a lehtuk nading, leh amah leh a tapate khuam tungah a kikhai nading lai-in gelhin thupia hi.

Paunak 5:22

Migilopa’ mawhna in thangzak bang hi a, ama mawhna thang sung mahah amah awk hi.

Isaiah 3:8

Bang hang hiam cih leh, amau kampaute leh amau gamtatnate in Topa langpangin, a minthang ama omna dem uh ahih manin, Jerusalem khua kipukin, Judah gam kia hi.

Isaiah 3:11

Mi gilo in gimna ngah ta hen! Ama khut in a hihsate ama tung mah ah kithukkik ding ahih manin ama tungah thu sia ding hi.