Paunak 26:2 - Tedim Bible

² Thu om lopi-in hong kisamsiatna in bangmah hong cih thei lo a, khawlna mun mel a nei lo a lengsuk a lengto Phialphiah tawh kibang lel hi.

Tedim Bible Revision 2017

² Thu om lopi a hong kisamsiatna pen bangmah a hong cih thei lo, khawlna mun mel a nei lo, a leeng suk a leeng to phialphiah tawh kibang lel hi.

Paunak 26:2 Referans Kwoze

Gamlak-vakna 23:8

Pasian’ samsiat loh mite bangci samsiat ding ka hi hiam? Topa’ mawhsak loh mite bangci mawhsak ding ka hi hiam?

Late 109:28

Amaute in kei hong samsiatsiat hen, ahih hangin nangmah in kei thupha nong pia ding hi. Ka langte zahhuaisak in la, na nasempa keimah hong kipaksak ta in!

Nehemiah 13:2

bang hang hiam cih leh amaute in an leh tui tawh Israel mite na dawn lo uh a, amaute a samsia dingin Balaam cial zawsop uh hi. Ahi zongin i Pasian in tua samsiatna thupha-in hong heisak hi.

2 SAMUEL NIHNA 16:12

Topa in ka thuakna hong en-in, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

1 SAMUEL MASA 17:43

Tua ciangin Filistiapa in David kiangah, “Ciangkang tawh kei kiangah nong pai nadingin kei in ui ka hi hiam?” a ci hi. Filistiapa in ama pasiante tawh David samsia hi.

Paunak 27:8

Inn panin gamlapi-ah a zinkhia mipa in, a bu panin a leengkhia vasa tawh kibang hi.

Isaiah 16:2

A bu a kipaih khiatsak ciangin cih nading thei loin a leeng kawikawi vasate bangin, Arnon guntui ngahmun ah Moab mite om uh hi.

2 SAMUEL NIHNA 16:8

Ama tangin na uk Saul’ innkuante na thahna hangin Topa in nangma tungah hong thuk hi; Topa in na tapa Absalom’ tungah kumpigam pia khin ta hi. Thei in, na siatna nangma tungah hong tu hi; bang hang hiam cih leh nang in mi thatpa na hi hi,” a ci hi.