Paunak 25:6 - Tedim Bible

⁶ Kumpipa mai-ah na om ciangin milian kineih kei in la, miliante’ tutna ding munah tu kha kei in.

Tedim Bible Revision 2017

⁶ Kumpipa mai ah na om ciangin mi lian kineih kei inla, mi lianteʼ tut nading munah tu kha kei in.

Paunak 25:6 Referans Kwoze

Paunak 27:2

Midangte’ hong phat loh buang, nang kiphat tawm kei in. Khualmite’ hong phat loh buang, nangma kam-in kiphat tawm kei in.

Paunak 25:27

Khuaizu tamlua nek ding a hoih loh bangin, phat ding deih luatna in hoih lo hi.

Paunak 16:19

Mi kihisak tawh kipawlin van kisutte ngahna sangin, mizawngte tawh kikhawlin mi neu-a om hoihzaw hi.

Paikhiatna 3:11

Ahih hangin Moses in Pasian' kiangah, “Faro' kiangah pai-in Izipt panin Israel mite a paikhiatpih dingin kei in kua ka hi hiam?” ci hi.

Late 131:1

Topa aw, ka lungsim kiliansak nawn lo a, kei ka kihisak nawn kei hi; kei adingin a lian lua leh a lamdang luate ngaihsutin ka nei kei hi.

1 SAMUEL MASA 15:17

Tua ciangin Samuel in, “Nang na kineu ngaihsut hun a om hangin, tu-in nang in Israel minamte’ lutang hilo na hi hiam? Topa in Israelte tungah kumpi-in nang sathau hong nilh hi.

Luka 14:8

“Mi khatpeuh in mo la lawmvakna-ah note hong sap ciangin, tokhom a sang belna-ah na tu kei un. Tua bangin na tut leh, nangmah sangin a lianzaw khat kisam kha a;

Luka 14:10

Mi khatpeuh in hong sap ciangin pai in la, omna niam ah na tu in. Nang hong sampa hong pai ciangin, ‘Lawm aw, a sangah na tuto in,’ hong ci ding hi. Tua lai takin, nang tawh an a ne khawm mi khempeuhte mai-ah minthan’na na ngah ding hi.

Paunak 25:5

Kumpipa kiang pan migilote nilkhia lehang, thuman-a ama ukna kip thei bek hi.

Paunak 25:7

Uliante a awn dingin hia lai-ah va tusuk in hong kicih sangin, hih lai-ah hong tuto in, hong kicih ding hoihzaw hi.