Paunak 25:5 - Tedim Bible

⁵ Kumpipa kiang pan migilote nilkhia lehang, thuman-a ama ukna kip thei bek hi.

Tedim Bible Revision 2017

⁵ Kumpipa kiang pan migilote nil khia lehang thumanin ama ukna kip thei bek hi.

Paunak 25:5 Referans Kwoze

Paunak 20:8

Thukhenna tokhom tungah a tu kumpipa in, a mit-in a etna tawh a hoih lote khenkhia thei hi.

Paunak 16:12

Thuman-a gamtatna bek in kumpi kipsak ahih manin, asia-a gamtat ding kumpite ut lo uh hi.

Paunak 20:28

Kumpipa in itna tawh thuman, thutang, citakin a uk lai teng, a kumpi za-ah kip bek hi.

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin, thu a khen mipa pen David’ buk sunga tua tokhom tungah thuman tawh tu ding hi.”

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Paunak 29:14

Kumpipa in mizawngte’ thu a manin khensak leh, a ukna kip tawntung ding hi.

Esther 7:10

Tua ciangin kumpipa in, “Tua tungah amah khailum un,” a ci hi. Tua ahih ciangin Mordekai khailup nadingin a phuh khuam tungah Haman khai lum uh hi. Tua ciangin kumpipa’ hehna dam hi.

1 KUMPI MASATE 2:46

Tua ciangin kumpipa in Jehoiada’ tapa Benaiah thupia hi; amah paikhia-in Shimei satpuk sukin, tua ciangin amah si hi. Tua ahih ciangin Solomon’ khut sungah kumpi gam kikipsak hi.

1 KUMPI MASATE 2:33

Tua ahih ciangin mi thahna hangin dantahna in Joab’ lu tung leh ama suan leh khakte’ lu tungah a tawntungin hong tungkik ding hi; ahih hangin David tung, leh ama suan leh khakte tung, leh ama innkuan tung, leh ama kumpi tokhom tungah Topa kiang panin a tawntung nopna om ding hi,” a ci hi.

1 KUMPI MASATE 2:45

Ahih hangin Kumpi Solomon thupha kipia-in a tawntungin Topa mai-ah a tokhom kikipsak ding hi,” zong ci hi.

Paunak 25:6

Kumpipa mai-ah na om ciangin milian kineih kei in la, miliante’ tutna ding munah tu kha kei in.