Paunak 25:19 - Tedim Bible

¹⁹ Haksat hunin a zuautat mi muan-a neih khakna in, ha na, ahih kei leh khebai tawh kibang hi.

Tedim Bible Revision 2017

¹⁹ Haksat hunin a zuau tat mi muanin neih khakna pen hana, ahih kei leh khebai tawh kibang hi.

Paunak 25:19 Referans Kwoze

Isaiah 36:6

En un, ama tunga a kingam mipa’ khut a sun ding, a kikuaitansa pumpeng ciangkhut tawh a kibang, Izipt na suang uh hi. Amah a muang khempeuhte tungah Izipt kumpipa Faro, tua pumpeng bang hi lel hi.

2 TIMOTI NIHNA 4:16

Amasa-a ka kihutna thu ka gen lai takin keima lamah kuamah a om kei hi, mi khempeuh in kei hong taisan uh hi. Tua thu hangin amaute tungah mawhsakna om kei hen.

Paunak 25:20

A dah a lungkham mipa kianga lasakna in, khuadam lai taka puan suahkhiat tawh kibang a, meima ci-al nuh tawh kibang hi.

Isaiah 30:7

Bang hang hiam cih leh Izipt’ huhna bangmah man loin a hawmpi hi a, tua ahih manin, “Tang lo a, a tu hithiat Rahab” ci-in min ka phuah hi.