Paunak 25:12 - Tedim Bible

¹² Hilhna a sangthei mipa’ adingin a pil thuhilhpa in, kizepna kham bilbah tawh kibang hi.

Tedim Bible Revision 2017

¹² Hilhna a sang thei mipa adingin a pil thuhilhpa pen kizepna kham bilbah tawh kibang hi.

Paunak 25:12 Referans Kwoze

Late 141:5

Mi phapa kei hong vuasak in la, ahih hangin migilopa ka lu sathau nilh sak ngei kei in; bang hang hiam cih leh amau’ gitloh gamtatnate lang pangin thu ka ngenngen hi.

Paunak 15:5

A pa’ hilhna a ngai nuam lote mihai hi a, hilhna a mang nuamte mipil ahi hi.

Paunak 20:12

Topa in khuamuh nading mit, leh khuazak nading bil hong guan hi.

Paunak 9:8

Mihaite thuhilh kei in, hong mudah ding hi. Mipilte thuhilh in, hong it ding hi.

JOB (Job) 42:11

Tua ciangin Job’ sanggam pasalte, a sanggam numeite, leh a lawm ngeite a innah hong hawh uh a, a innah pawi bawlin lungdamin omkhawm uh hi. Topa in ama tungah a tun’sak gimnate hangin a khasiatpihnate uh genin hanthawn uh hi. Amaute in sum leh kham zungbuh khatciat tawh va pha uh hi.

Mattiu 12:35

Miphate in a sumkholna hoih sung pan a pha nate a pusuaksak hi. Mipha lote in a hoih lo sumkholna sung panin a pha lo nate a pusuaksak hi.

Paikhiatna 32:2

Aaron in amaute' kiangah, “Na zite, na tapate leh na tanute uh’ bil tungah a om kham bilbahte sutkhia un la, kei' kiangah tuate hong paipih un,” a ci hi.

Paikhiatna 35:22

Tua ahih ciangin pasalte leh numeite, amaute hong pai uh hi; utna lungsim a neite khempeuh in tukkilhte, bilbahte, min gelhna zungbuhte, leh banbuhte ahi kham tawh a kibawl na namkim hong paipih uh a, a milip in Topa' tungah kham tawh piakna ap uh hi.

2 SAMUEL NIHNA 1:24

“No Israel numeite aw, Saul’ hangin kap un, puansan neel takin a silhte aw, na puan tung uh ah kizepna kham a suangte aw,

JOB (Job) 28:17

Pilna a manphatna kham leh limlang tawh teh theih hi lo a, kham hoihpen kibawl nate tawh zong lei zawh hi lo hi.

Thuhilh-sia 7:5

Mihaite in pahtawina la hong sak sangin, mipilte’ hong taina hoihzaw hi.

Ezekiel 16:12

Nakbahte, bilbahte leh na khuk ding kumpi lukhu hoih kong guan hi.