Paunak 24:7 - Tedim Bible

⁷ Pil kampauna in mihaite’ theih zawh dingin thuk lua a, mihon lakah mihaite in thu gen ngam lo uh hi.

Tedim Bible Revision 2017

⁷ Pil kampauna pen mihaiteʼ theih zawh dingin thuk lua mahmah a, mihaite in mihon lakah thu gen ngam lo uh hi.

Paunak 24:7 Referans Kwoze

Paunak 14:6

Mi a simmawh theite in pilna a zon’zon hangin ngah zo lo a, thu ngaihsun theite in olno takin ngah thei uh hi.

Late 10:5

Ahih nate a ma pai ngitnget hi; amah kiphasak a, na thukhennate ama muhna’ bat zawh lohin sang hi; a galte khempeuh ahih leh amah in nehpiksan lel hi.

1 KORIN MASA 2:14

Kha Siangtho a nei lo mi in Pasian’ Kha Siangtho’ thute a mang kei hi. Bang hang hiam na cih uh leh, tuate haina a sa a, tua thute Kha Siangtho bek tawh kikhentel thei ahih ciangin amah in a thei zo kei hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Amos 5:12

Bang hang hiam cih leh na khialhna tampite uh, leh na mawhna tampite uh ka thei khin a, thuman mite gimsakin, sumgolh na la uh a, thukhenna zumah mi zawngte’ thu a manin na khen kei uh hi.

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.

Paunak 22:22

Bangmah hong hih zo lo ding cihna tawh nuamtak sa-in, mizawngte’ neihsa mawksut kei in la, zum-ah khia-in mawk bawlsiat kei in.

Paunak 17:24

Mipilte in ahoih pen-a gamtat nading thei a, mihaite in a cih nading meel uh thei lo hi.

Paunak 15:24

Mipilte in nuntakna lampi zuito uh a, sihna lampi zuisuk lo uh hi.

JOB (Job) 31:21

Zum thukhenna-ah zo na ning cih ngaihsutna tawh tagah khatpeuh ka kheem taak leh,

JOB (Job) 5:4

A tapate kuama suahtaksak zawh ding hi nawn lo hi; kulh kongpi gei-ah amaute kisugawp a, amaute a honkhia ding kuamah om lo hi.

Late 127:5

A thallawng dimin tua bang thaltang a neipa in mi lungdam ahi hi. Amah guallel-in zahhuai ngeilo ding hi.

Paunak 17:7

Miliante in zuauthu gen ngei lo a, mihaite in na-a kimang kampau ngei lo hi.

Paunak 17:16

Mihaipa in thu ngaihsut theihna nei lo ahih manin, pilna zon’ nading sum tampi a zat hangin a phattuamna om lo hi.

Isaiah 32:6

Bang hang hiam cih leh mi hai in haina thu gen a, a lungsim ah gitlohna om a, a hoihin gamtat loh ding, Topa’ thu a hilopi-in gen ding, a gilkialte’ an duhna a phat lohna ding leh dangtakte in tui dawn ding a neih theih loh nadingin, ama lungsim in mawhna bawl ding sawm hi.

Paunak 28:5

Mi sia-huaite in thutang cih mel thei lo uh a, Topa a biate in ahih leh a kicingin thei uh hi.

Paunak 31:23

A pasal, thukhen upate lakah a tut ciangin, mite’ lakah kizahtak hi.