Paunak 24:21 - Tedim Bible

²¹ Ka ta aw, Topa leh kumpipa zahtak khawm in la, amau a langpangte tawh kipawl kha kei in.

Tedim Bible Revision 2017

²¹ Ka ta aw, Topa le kumpipa zahtak khawm inla, amau a langpangte tawh kipawl kha kei in.

Paunak 24:21 Referans Kwoze

Titu 3:1

Mite in gam ukte leh mangte’ ukna uh a man’ nading, nasepna pha khempeuh a sep nading a kigin’ kholh nading;

1 KUMPI MASATE 12:16

Kumpipa in amau’ thu a ngaih lohna Israelte khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israelte aw, na inn ciat uhah ciah un. Rehoboam in ama ading vaihawm tawm hen,” a ci uh hi. Tua ahih ciangin Israelte a inn ciat uhah kihem uh hi.

Mattiu 22:21

“Kaisar kumpipa lim leh min hi,” a ci uh hi. Tua ciangin Zeisu in, “Kaisar kumpipa’ sum Kaisar kumpipa na pia un. Pasian’ sum Pasian na pia un,” a ci hi.

Paikhiatna 14:31

Israelte in Izipt mite' tungah Topa’ bawl nasepna lianpi mu uh a, mite in Topa zahtak uh hi; amaute in Topa leh ama' nasem Moses um uh hi.

1 SAMUEL MASA 24:6

Amah in a mite kiangah, “Amah in Topa’ sathau nilhpa hi ci-in thei napi-in, ama tungah ka khut ka ngak ding, Topa’ sathau nilhpa ahi ka topa tungah hih bang ka hih ding Topa in hong kham hi,” a ci hi.

2 SAMUEL NIHNA 18:8

Tua gam maitang tung khempeuhah gal kikapna om kim hi; tua ni-in namsau’ thah sangin thudang hangin tulak-a si mi tamzaw hi.

1 KUMPI MASATE 1:49

Tua ciangin Adonijah’ leenglate khempeuh liing uh a, dingin amau’ mun ciatah pai uh hi.

Paunak 17:11

Thusia bekbek a deih tawntung migilote kiangah, a gilo kamtaipa bangin sihna tung ding hi.

Paunak 23:17

Mawhnei mite eng kha kei in la, Topa na zahtakna zom paisuak in.