Paunak 24:17 - Tedim Bible

¹⁷ Na galte in gimna a ngah ciangin lungdam kei in la, a puk uh ciangin kipak kei in.

Tedim Bible Revision 2017

¹⁷ Na galte in gimna a ngah ciangin lungdam kei inla, a puk ciangin kipak kei in.

Paunak 24:17 Referans Kwoze

Obadiah 1:12

Na sanggamte a tuahsiat ni-un munuam dah hoh un. Judah mite a kisiat ni-un nuam kei un. A kisiat ni-un lungdam kei un. A cihmawh ni-un nuihsan kei un.

JOB (Job) 31:29

Ka galte in gimna a thuak ciangin ka kipak ngei kei a, haksatna a tuah ciangun ka lungdam ngei kei hi.

Paunak 17:5

A zawngte a simmawhpa in amah a Piangsakpa a simmawh hi a, midangte tuahsiatna-ah a lungdam mipa in daan tuak hamtang ding hi.

Late 42:10

Ka langte in kei tungah, “Na Pasian koi-ah om ahi hiam?” hong cihcih sung teng, ka sungah meima nai tawm bangin hong tum ngangngang hi.

Late 35:19

A man lopi-a ka gal a hite kei tungah lungdamsak kei in la, thu om lopi-a kei hong mudahte, mit-heek kipiasak kei in.

Late 35:15

Ahih hangin kei ka tukna-ah amaute nuamin kikhawm uh a, keimah langpangin kikaikhawm uh hi; ka theih ngei loh khebaite nangawn in tawlnga loin kei hong gensia hi;

Thukhente 16:25

A lungsim uh a nop ciangin amaute in, “Eite’ adingin a kimawl theih nadingin Samson sam un,” a ci uh hi. Tua ahih ciangin amaute in, thong panin Samson sam khia-in amau’ mai-ah mawlpih uh hi. Khuampite kikalah amah ding sak uh hi;

2 SAMUEL NIHNA 3:32

Amaute in Hebron ah Abner vui uh hi; tua ciangin Abner han-ah kumpipa a kap hi; tua ciangin mi khempeuh zong a kap uh hi.

Paunak 24:18

Bang hang hiam cih leh, Topa in hong thei-in nang tungah lungkim lo ding a, na galte tungah heh tat nawn lo kha ding hi.

Micah 7:8

Ka galte aw, kei tungtang ah lungdam kei un. Ka puk hangin ka thokik ding hi. Khuamial sungah ka om hangin Topa in khuavak hong pia ding hi.