Paunak 24:13 - Tedim Bible

¹³ Ka ta aw, khuaizu khum ahih manin ne in; khuailuzu in i kam-ah khum mahmah hi.

Tedim Bible Revision 2017

¹³ Ka ta aw, khuaizu khum ahih manin ne in. I kam ah khuailuzu khum mahmah hi.

Paunak 24:13 Referans Kwoze

Isaiah 7:15

Amah in a hoih lote nial-in a hoihte a teel theih hun ciangin bawngnawi thau khal leh khuaizu ne ding hi.

Solomon la 5:1

It luat, ka lawmnu aw, ka huan sung hong tung zo ing, Ka paknamtuite ka kaikhawm hi. Ka khuaizu leh ka khuailuzu ka ne a, ka leenggahzu leh ka bawngnawite ka dawn hi. Nungak dangte: Nungak leh tangval aw, na lungkim piikpeek dongun, ne-in dawnin nuam sa un. Kikhen Man-a Lunggimna Nungak:

Paunak 25:16

Khuaizu na nek ciangin a hoih khop zah bek ne in; tua hi kei leh kham lua-in na lua ding hi.

Solomon la 4:11

Lawm aw, na muk, khuaizu bangin khum a, na leii in bawngnawi leh khuaizu ahi hi. Na puante in, Lebanon Mual tunga paknamtui namkim a nam hi.

Late 119:103

Nangma thute khum mahmah a, khuaizu sangin ka kam-ah khumzaw hi.

Late 19:10

Kham sangin ahi zongin, kham siangte nangawn sangin ahi zongin tuate deihhuai zaw a, khuaizu leh khuailuzu tak sangin zong khumzaw hi.

Mattiu 3:4

Johan in kalaoh mul kigan puan silh a, savun kawnggakin a kawng a gak hi. Kauphe leh gampa lak khuaizu in a kivak hi.

Paunak 25:27

Khuaizu tamlua nek ding a hoih loh bangin, phat ding deih luatna in hoih lo hi.

Paunak 16:24

Kam khum in khuaipizu bang hi a, a kam-ah khum a, guh leh tangte adingin cidamna ahi hi.

Paunak 27:7

A gilvah mipa in khuaizu nangawn duh nawn lo a, a gilkial mipa in a kha an nangawn lim sa hi.

Thukhente 14:9

Amah in a khut tawh tuate sawkin paisuak a, a pai kawmin ne hi; amah a nu leh a pa kiangah tungin tuate pawlkhat pia a, amaute in ne uh hi. Ahih hangin humpinelkai luanghawm sung panin tua khuaizu a lakna thu gen lo hi.

1 SAMUEL MASA 14:27

Ahih hangin a pa in kiciamna tawh mite a thuhilhna Jonathan in za lo hi; tua ahih ciangin amah in a khut sunga om a ciangkhut dawn dawk sakin khuaibu sungah diah a, a kam-ah a khut tun’ hi; tua ciangin a tha hatkik hi.