Paunak 23:35 - Tedim Bible

³⁵ “Hong vuak hangun ka liam kei a, hong sat hangun ka phawk kei hi. Ka pilvan' ciangin zu ka ne kik ding hi,” na ci ding hi.

Tedim Bible Revision 2017

³⁵ “Hong vuak hangun ka liam kei a, hong sat hangun ka phawk kei hi. Ka pilvang ciangin zu ka nekik ding hi,” na ci ding hi.

Paunak 23:35 Referans Kwoze

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

Paunak 27:22

Mihai khat a sih dek dongin na satsat hangin, a hai ngei mah-in hai veve lai ding hi.

Paunak 26:11

Ui in a luak a zuat kik bangin, mihaite a haitat ngei bangin ta kik zel hi.

2 PETER NIHNA 2:22

‘Ui in ama luak a ne kik hi; vokpi in a kisil khit ciangin buan lakah a bual kik hi,’ ci-in a man thugentehna bangin tua mite tungah a piang zo hi.

Efesa 4:19

Amaute in maizumna nei lo uh a, a deihgawhna uh a lian mahmah kihhuai gamtatna nam khempeuh a gamtat nadingun, amau pumpi in a lunggulhna uh khut sungah a kipia uh hi.

Jeremiah 31:18

Efraim’ kahna aw ka za zo a, ‘Topa aw, bawngtal sin loh bangin keimah nong thuhilh khin zo hi. Kong ciahkik theih nadingin hong la kik in, bang hang hiam cih leh nangmah in Topa ka Pasian na hi hi.

Isaiah 22:13

ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

Thu-hilhkikna 29:19

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian na a sem dingin Topa i Pasian kiang panin tu ni-in a lungsim a heikhia a om khak ding kidawm un; tua hi kei leh note lakah gu a nei gah kha a gah singkung hong bang ding a, hih kiciamna kammalte za napi-in a lungsim ah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih leh misia, a kibangin phiatkhiatna hong suak sak ding hi.

Paunak 23:34

Tuipi tunga lum tawh na kibang ding a, a suk-awn a to-awn teembaw dawn-a tuang tawh na kibang ding hi.