Paunak 23:30 - Tedim Bible

³⁰ Zu ne-a a tut khote, zu a ne nete ahi hi.

Tedim Bible Revision 2017

³⁰ Zu ne-a a tut khote zu a nenete ahi hi.

Paunak 23:30 Referans Kwoze

Efesa 5:18

Hong khamsak thei leenggahzu tangin, Kha Siangtho tawh kidimin om un.

Isaiah 5:11

Zingsang tungin tho-in, kham theih zu delhin, leenggah zu in amaute a satsak pialpual matengin nitakin a tut kho mite in gimna ngah ta hen!

Paunak 20:1

Leenggahzu in kam tam sakin, khamtheih zu in kitawngsak a, zu khamna in haina ahi hi.

Paunak 9:2

Amah in pawi bawl dingin sa go-in leenggahzu khaihin, an nek nading sabuai bawl hi.

Late 75:8

Bang hang hiam cih leh Topa khut sungah leenggahzu a phuan, a kihelkim ngiingei hai khat om a, amah in tua sung panin hong bungkhia dinga, leitung migilote khempeuh in a tawdat dong takin liaktum ding uh hi.

Amos 6:6

Leenggahzu, hai lianpi pi-in na dawn uh a, sathau hoih pente tawh na kizut uh hi. Ahi zongin Josef minamte’ siatna hangin, them khat zong na dah het kei uh hi.

Piancilna 9:21

amah in leenggahzu ne-in kham a, a puanbuk sungah bangmah silh loin lum hi.

1 SAMUEL MASA 25:36

Tua ciangin Nabal kiangah Abigail hong tung hi; en in, kumpipa’ pawi tawh kibangin amah in a inn sungah pawi na kham hi. Nabal lungnuam mahmah hi; bang hang hiam cih leh amah in zu kham mahmah hi; tua ahih ciangin zingsang khuavak mateng ama kiangah bangmah gen peuhmah lo hi.

Paunak 23:20

Zu ne nete tawh kikhawl kei in la, a uisante tawh kithuah kha kei in.

Isaiah 28:7

Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.