Paunak 23:22 - Tedim Bible

²² Na pian’na na pa’ thu ngai in la, na nu a teek ciangin simmawh bawl kei in.

Tedim Bible Revision 2017

²² Nangma pianna na paʼ thu ngai inla, na nu a teek ciangin simmawh bawl kei in.

Paunak 23:22 Referans Kwoze

Paunak 30:17

A pa a simmawh mipa, a nu’ thu a mang nuam lo mipa, va-ak in a mittang khel khiatsakin, musanete in a sa ne ding uh hi.

Paunak 1:8

Ka ta aw, na pa’ hong thuhilhna zui in la, na nu’ hong thugente ngai in.

Paunak 6:20

Ka ta aw, na pa’ hong gen bangin gamta in la, na nu’ hong thuhilhte mangngilh ngei kei in.

Thu-hilhkikna 27:16

“A nu ahi a, a pa ahi zongin a zahtak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Siampi Laibu 19:3

Note a kuamah peuh in na nu leh na pa uh zahtakin, note in ka sabbath-te na tang ding uh hi; keimah in Topa na Pasian uh ka hi hi.

Marka 7:10

Bang hang hiam na cih uh leh, Moses in, ‘Na nu leh na pa na zahtak in. A nu a pa a gensiate in sihna thuak ta hen,’ a ci hi.

Paunak 30:11

A pate samsia-in a min a dai sak a, nute a phat lo mi pawlkhat om hi.

Siampi Laibu 19:32

“Note in sam kangte mai-ah na kun ding uh a, puteekpa’ maitang zahtak-in note in na Pasian uh na kihta ding uh hi: keimah in Topa ka hi hi.

Paunak 15:20

Ta pilte in a pa lungdam sak a, mihaite in a nu simmawh hi.