Paunak 23:21 - Tedim Bible

²¹ Zu nete leh a uisante zawng ding uh a, a ne bek-a nitumte in puansia bek silh zo ding uh hi.

Tedim Bible Revision 2017

²¹ Zu nenete le a uisante zawng ding uh a, a ne bek a nitumte in puan sia bek silh zo ding hi.

Paunak 23:21 Referans Kwoze

Paunak 21:17

A noptat nuamte zawng a, zu ne a, sathau namtui nilhte hau lo hi.

Filippi 3:19

Tua mite in kisiatna-ah a tung ding uh hi, amaute’ pasian in a gilpi uh ahi hi; amaute in a maizumhuai a gamtatnate uh ah a kiphasak uh hi. Amaute in leitung nate a lunggulh uh hi.

Galati 5:21

en’na, zukham luatna, pawikhamna akipan tua bang gamtatnate ahi uh hi. Tau banga gamta mite in Pasian’ Gam a luah kei ding uh hi ci-in nidanga kong cih mah bangin tu-in zong ka hong ci khol hi.

1 KORIN MASA 5:11

Unau kici numei tawh a mawhte, huaiham-a duhhopte, milim a biate, hangsana kosiate, zukhamte, zawhthawh bawl-a a sutte, tua bang a hihte tawh kikhawl lo tham loin an nangawn na nekhawm kei un, ci-in ka gelh hi.

Paunak 19:15

A thadahte lumlum a, a mawk omte a gil kial hi.

Thu-hilhkikna 21:20

amaute in a khuapi upate kiangah, ‘Hih ka tapa uh lungkhauhin lehdo thei a, amah in ka thu uh hong mang lo hi; amah in anhai zuhai ahi hi,’ ci ding uh hi.

1 KORIN MASA 6:10

sum gutate, huaiham duhhopte, zukham theite, hangsan kosiate, zawhthawh bawla sum sutte in Pasian’ Gam a luah kei ding uh hi.

Joel 1:5

No zukhamte aw, tho un la kap un. No leenggahzu dawnte aw, thuumin tau un. Na zu dawn ding teng uh beimang ta hi.

Mattiu 11:19

Mihing Tapa in an ne, tui dawnin hong pai a, amaute in, ‘Hih pa in an hai, zu haipa hi. Siahdongte leh mi gilote tawh zawlin a kiman hi,’ a ci uh hi. Ahih hangin lungpilna in a tate tung panin diksakna a ngah hi,” a ci hi.

Paunak 18:9

Na a susia mite a hoih loh zah mahin, a thadahte zong mihoih lo ahi hi.

Thuhilh-sia 10:18

Thadah lua-a a inn vang nangawn a hu nuam lopa, a inn keh ding a, a innpi nangawn in puklawh ding hi.