Paunak 23:18 - Tedim Bible

¹⁸ Tua bang hi lecin lametna om a, ci-thei-in na khan’ a sau ding hi.

Tedim Bible Revision 2017

¹⁸ Tua bang hi lecin lametna om a, cithei-in na khansau ding hi.

Paunak 23:18 Referans Kwoze

Hebru 10:35

Tua ahih ciangin phattuamna lian mahmah tawh kizom na lau lohna lungsim uh na paaikhia kei un.

Late 9:18

Bang hang hiam cih leh mi cimawhte kimangngilh den lo ding a, mizawngte’ lametna bei paisuak lo ding hi.

Jeremiah 29:11

Bang hang hiam na cih uh leh Topa in kong cih-inah, note’ mai lamah lametna kong piak ding, na siat nading uh hi loin na phattuam nading uh geelna ka neihte kei bek in ka thei hi.

Paunak 24:14

Pilna in i nuntakna ah khuaizu tawh kibang a, pilna nei lecin mai lamah lametna om a, na khan’ hong sausak ding hi.

Paunak 24:20

Amaute in mai lamah lamet ding bangmah nei lo hi; amaute’ meivak kisukmitsak ding hi.

Late 37:37

Paubaang lo mi ciamteh in la, thutang mi en in, bang hang hiam cih leh gal phuang lo mi’ adingin nopna om hi.

Luka 16:25

Abraham in, ‘Ka ta aw, nang na nuntak lai-in nopsakna na ngah a, tua mah bangin Lazaras in zong a pha lo nate ngah hi ci-in na ngaihsun kik in. Tu-in ahih leh, amah in nopna a ngah kik hi. Nang na hih leh, gimna na thuak hi.

Late 19:11

Tham loin tuate hangin na nasempa in thu phawkna ngah a, tuate zuihna-ah noptuam lian om hi.

Late 58:11

Mite in, “Thuman mi’ ading noptuamna om taktak a, leitunga thukhen Pasian khat om taktak hi,” ci ding uh hi.