Paunak 23:17 - Tedim Bible

¹⁷ Mawhnei mite eng kha kei in la, Topa na zahtakna zom paisuak in.

Tedim Bible Revision 2017

¹⁷ Mawhnei mite eng kha kei inla, Topa zahtakna zom paisuak in.

Paunak 23:17 Referans Kwoze

Paunak 28:14

Topa a zahtak tawntung mipa in mi nuamsa hi a, a lung khauh mipa in lungkhamna tuak ding hi.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Paunak 15:16

Hau napi-a lungkham sangin, zawng napi-a Topa zahtakna hoihzaw hi.

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

Thuhilh-sia 5:7

Mang tam man leeng a mawkna mah tam a, kam tam pau leeng zong a kituak mahin a mawkna thu mah kibeh laplap hi; bangbang ahi zongin Pasian zahtak lai veve in.

Paunak 3:31

A ngongtat thei mite eng kha kei in la, amau’ gamtat bangin gamta kha kei in.

Late 111:10

Topa zahtakna in pilna kipatna ahi hi; ama thupiak a zuite khempeuh tungah thukhen siamna a pia hi. Amah phat tawntung ding ahi hi.

Paunak 24:1

Migilote eng kei in la, amaute tawh kikhawl kei in.

Paunak 24:19

Migilote hangin na lung nuammawh sak kei in la, amaute eng kha kei in.

Paunak 24:21

Ka ta aw, Topa leh kumpipa zahtak khawm in la, amau a langpangte tawh kipawl kha kei in.

Thuhilh-sia 5:6

Pasian’ siampipa’ mai-ah ka khial kha hi ci-in na gen ding kisam kha ding ahih manin na kampauna hangin khial kha kei in. Tua bangin gamta kha lecin nangma tungah Pasian heh ding a, na sepsa khempeuh hong suksiatsak ding hi.