Paunak 23:10 - Tedim Bible

¹⁰ Taanglai gi-suang khin kei in la, tagahte’ leitang va keek kei in.

Tedim Bible Revision 2017

¹⁰ Tanglai gisuang khiin kei unla, tagahteʼ leitang va keek kei un.

Paunak 23:10 Referans Kwoze

Paunak 22:28

Na pu na pate’ phuhsa gi-suang, cik mah hunin khin kei in.

Zekhariah 7:10

note lakah a om meigong, tagah, gamdang mite, ahih kei leh mi zawngte gim pia loin, khat leh khat kisiatsak nading na ngaihsut loh nading uh thu ka hong pia zo hi,” ci hi.

Thu-hilhkikna 27:17

“‘A vengpa’ gi-suang a botkhia mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Jeremiah 22:3

Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Thu-hilhkikna 19:14

“Topa na Pasian un na neih dingun hong piak leitang tungah note’ kep ding na gamh luahna sung uhah khang lui mite in a phuhsa na vengte’ gi-suang na khin kei ding uh hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Jeremiah 7:5

“Bang hang hiam na cih uh leh na nuntakzia uh leh na gamtatnate uh na kikhel uh a, khat leh khat kikal-ah thuman thutak-a na vaihawm uh leh,

Late 94:6

Amaute in meigong numei leh khualmi thatlum uh a, pa nei lote suamlum uh hi;

JOB (Job) 22:9

Meigong numeite a huh nuam lo bek hi loin, mi tagahte bawlsia-in a neihsa uh na sut hi.

JOB (Job) 6:27

Mi cimawh khat suksiat sawm a, na lawm khat uh hih gawp sawm na hi uh hiam?

JOB (Job) 24:9

Migilote in pa nei nawn lo naupangte sila-in nei uh a, mizawngte’ tate leiba taangin la uh hi.

Paikhiatna 22:22

Meigong numei ahi a, tagah ahi zongin na gimsak kei ding uh hi.

Paunak 15:25

Topa in mi kiphasakte’ inn phelkhiatsak a, meigongte’ neihsa hutpih hi.

Jeremiah 7:6

nam dang mite, pa nei lote leh meigongte na nuaisiah kei uh a, hih munah mawh nei lo mite that nawnloin, note’ gim nading mah ahi pasian dang peuh na biak nawn kei uh leh,