Paunak 22:9 - Tedim Bible

⁹ A cingh mite in mizawngte an pia a, amah in thupha ngah kik hi.

Tedim Bible Revision 2017

⁹ A cingh mi in mizawngte an pia a, amah in thupha ngahkik hi.

Paunak 22:9 Referans Kwoze

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

1 PETER MASA 4:9

Phun loin khat leh khat zin na kido un.

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Luka 14:13

Pawi na kham ciangin mizawngte, mipoite, khebaite leh mittawte na sam in.

Isaiah 32:8

Ahih hangin mipi lungsim a nei mi in na hoihte geel a, thu hoih nate ah a pang hi.

Paunak 21:13

Mizawngte’ huh ngetna a pia nuam lote pen, amau zong cimawhin huhna a nget ciangun kipia lo ding hi.

Late 112:9

Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

Paunak 11:25

A cingh mite hau semsem ding a, midang a huhte in huhna mah ngah kik ding hi.

Marka 7:22

mi’ sum gukna, mi thahna, mi’ zi tungah mawhna, huaihamna, gitlohna, mi kheemna, kihhuai deihna, een’na,

Mattiu 20:15

Ka sumte ka ut bangin zang thei lo ka hi hiam? Ahih kei leh, kei mipha ka hih ciangin, hong mudah na hi uh hiam?’ a ci hi.

Thu-hilhkikna 28:56

-

Paunak 31:20

A zawng mite tungah amah cingh a, a cimawh mite tungah huhna pia hi.

Paunak 11:17

Migi lecin nang adingin ahoih bawl na hi a, gilo lecin nangmahmah a kigimsak na hi bek hi.

Paunak 11:27

Thuhoih a hanciamte in pahtakna ngah a, siatna a hanciamte in siatna mah ngah hi.

Paunak 14:21

Mizawngte a simmawhte a khial hi a, mizawngte’ tungah a cinghte thupha ngah ahi hi.

Paunak 28:24

A nu leh a pa’ neihsa lak sak a, “Khialhna hi kei” a cipa in, guta mah hi veve hi.

Paunak 28:27

Mizawng a huhte cimawh ngei lo ding a, huhna a pia nuam lote in samsiatna ngah ding hi.