Paunak 22:7 - Tedim Bible

⁷ Mihaute in mizawngte uk a, leitawi a late in a piate’ sila suak hi.

Tedim Bible Revision 2017

⁷ Mihaute in mizawngte uk a, leitawi a late pen a piateʼ sila a suak hi.

Paunak 22:7 Referans Kwoze

2 KUMPI NIHNATE 4:1

Tu-in kamsang honte sung pan khat’ zi Elisha tungah kiko-in “Na nasem ka pasal si hi; na nasempa in Topa a zahtakna na thei hi, ahih hangin ka tate nih sila dingin a la dingin a leibatna-pa hong pai hi,” a ci hi.

Paunak 22:16

Hauh nop manin mihaute letsong pia leeng kizawn’lawh a, hauh nop manin mizawngte’ neihsa laksak leeng zong kihauhlawh tuan lo hi.

Paunak 18:23

Mizawngte a pau ciangin thuumna kam zang a, mihaute in a dawn’ ciangin kihihsakna kam zang hi.

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Mattiu 18:25

Tua pa in a leiba loh nading nei lo ahih ciangin, ‘Amah a kipan, a zite, a tate, a sum khempeuh zuakin a leiba hong loh ta hen,’ a topa in a ci hi.

Paunak 22:22

Bangmah hong hih zo lo ding cihna tawh nuamtak sa-in, mizawngte’ neihsa mawksut kei in la, zum-ah khia-in mawk bawlsiat kei in.

Paunak 14:31

Mizawngte bawlsiatna in a piangsak Pasian simmawhna hi a, mizawngte tungah citna in Pasian zahtakna ahi hi.

Jeim 5:1

Sum haute aw, tu-in hong pai un; note tungah hong tung ding gimna tawlna hangin kiko-in kap un.

Amos 8:6

Khedap bu khat man dingin, mizawngte sila-in i zuak nuam a, i mangbuh hoih lote, sum tampi i khawng nuam hi,” na ci uh hi.

Amos 8:4

Mi cimawhte tuancil gawpin, gamsung mi zawngte a susia gawp mite aw, hih thu ngai un.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Isaiah 24:2

Mi khempeuhte’ thuakna kibang kim ding hi. Siampite leh mi mawkmawkte, silate leh a tote, vanleite leh van zuakte, sum neite leh leibate, ahau azawng, a thuakna uh kibang ding hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Amos 2:6

Topa in hih bangin ci hi: Israelte a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, leiba a loh zawh loh man bekin midik kim lai zuak uh a, khedap bu khat man a loh zawh loh man bekin mi cimawhte sila-in zuak uh hi.