Paunak 21:4 - Tedim Bible

⁴ Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.

Tedim Bible Revision 2017

⁴ Kihisakin gamtatna le kiphatsakna lungsimte pen mawhna hi a, migilo hihna lim ahi hi.

Paunak 21:4 Referans Kwoze

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Paunak 6:17

kihihsakna, zuauthu genna, mawhnei lo mi thahna,

Isaiah 2:17

Mite’ kiliatsakna kiniamkhiat ding a, mite’ kiphatsakna a niamin kikoih suk ding hi; tua ni ciangin Topa bek a lianin kikoih ding hi.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

ROM (Romans) 14:23

A um khial mi in a nek leh, upna lungsim nei loin ne ahih ciangin amah le amah a kimawhsak ahi hi. Upna lungsim tawh kituak lo gamtatna khempeuh in mawhna ahi hi.

Luka 18:14

Ke’n kong cih-inah, hihpa in mawhmaisakna ngahin innah a ciah hi. Farisaipa in ahih leh, mawhmaisakna a ngah kei hi. Bang hang hiam na cih uh leh, amah leh amah a kiphat mi khempeuh in niamkhiatna a ngah ding hi. A kiniamkhiatte in minphatna a ngah ding uh hi,’” a ci hi.

Isaiah 3:16

Topa in hih bangin ci hi: Jerusalem numeite kiphasakin ngawng doksa-in lam pai a, kiphatsakna tawh a mit uh hei pampam-in hi tuihtuihsa-in pai uh a, a khe uh tawh gingsak sualsual ahih uh ciangin;

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Late 10:4

Migilo in kiphatsakna maisuah tawh amah zong lo a, ama ngaihsutna khempeuh ah, “Pasian om kei,” ci hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Paunak 30:13

Mihoih pha mahmah-a a kingaihsun, a kiliansak mi pawlkhat om hi.

Luka 11:34

Na mittang in na pumpi’ meivak ahi hi. Na mit a vak leh, na pumpi zong a vak kim ding hi. Na mit a man’ leh, na pumpi khempeuh zong a mial ding hi.

Paunak 24:20

Amaute in mai lamah lamet ding bangmah nei lo hi; amaute’ meivak kisukmitsak ding hi.

JOB (Job) 18:5

“Migilopa’ meivak kisumit ding a, cikmah hunin a kuangkik ngei nawn kei ding hi.

JOB (Job) 18:6

Ama buk sungah khuamial ding a, a meivak mit ding hi.

Late 101:5

A vengte a gensia sim mite ka susia ding a, kiphatsakna leh kihihsakna lungsim a nei mi ka thuak kei ding hi.

Late 131:1

Topa aw, ka lungsim kiliansak nawn lo a, kei ka kihisak nawn kei hi; kei adingin a lian lua leh a lamdang luate ngaihsutin ka nei kei hi.

Paunak 6:16

Topa in a muhdah, a khahkhong ngei loh ding, thu guk, bek hilo, thu sagih tak om a tuate in,

Isaiah 10:12

Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.