Paunak 21:27 - Tedim Bible

²⁷ Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Tedim Bible Revision 2017

²⁷ Topa in migiloteʼ biakpiaknate deih lo a, ngimna hoih lo tawh a piakte uh deih lo zaw kan lai hi.

Paunak 21:27 Referans Kwoze

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Paunak 28:9

Mi khat in thukham a zuih nop kei leh, ama thungetna nangawn Pasian in zak thadahhuai sa hi.

Thuhilh-sia 5:1

Biakinn-ah na pai ciangin lim takin kingaihsun in. Aman leh aman lo a khen thei lo mihaite’ biakpiaknate tawh a kibang piakna sangin thungai dingin biakinn-a paina hoihzaw hi.

Gamlak-vakna 16:15

Moses heh mahmah a, Topa kiangah, “Amau’ biakna thupi ngaihsut kei in. Amaute tung panin la khat zong la loin, amaute khat zong ka siasak kei hi,” a ci hi.

Paunak 7:14

”Tu ni-in biakpiakna ka bawl a, nek ding sa tampi ka nei hi.