Paunak 21:16 - Tedim Bible

¹⁶ A kilawm gamtatna panin a pialkhiate, misi honte’ lakah tung hi.

Tedim Bible Revision 2017

¹⁶ A kilawm gamtatna pan a pial khia mite misi honte lakah a tung hi.

Paunak 21:16 Referans Kwoze

Hebru 10:38

Ka midik in upna tawh a nungta ding hi, a nung kin leh, ka lungsim in Tua mi hangin lungdamna a nei kei hi,” ci-in Pasian in thu a pia hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Late 49:14

Tua bangin amaute Leinuai-a dingin kiseh hi; Sihna in amau cingpa hi ding hi; Midikte in zingsang ciangin uk ding uh hi, hankhuk-ah amaute tuaksuk suak uh a, a meel uh sia ding hi; Leinuai in amau’ inn hi ding hi.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

Efesa 2:1

Note in nidang lai-inah leitung thu na zui uh a, van lama vangliatna a uk topa ahi nialna’ tate tungah tu-in zong na a sem kha’ deihna bangin, na mawhnate uh, na gitlohnate uh sungah si-in na om lai takun Pasian in note hong nungta sak hi.

Zefaniah 1:6

Lam pial a, kei hong zui nawn lote, thu dong dingin kei kiangah hong pai lote, ka susia ding hi,” ci hi.

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Paunak 9:18

Tua lai-a a paite a sihna thu, tua lai-a lutsate sihna gamthuk sungah a om khitna thu, a khem zawh mite in phawk kha lo uh hi.

Paunak 2:13

nuntakna manin a nungta lo, mawhna khuamial sungah a gamta,

Paunak 11:19

Thu man-a gamtat ding a hanciamte nungta ding a, asia-a gamta teiteite si ding hi.

Ezekiel 18:24

Ahi zongin mihoih khat in a gamtat hoihna teng khawlin, migilote’ gamtat bangin a mindaihuai, gamtat siate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatnasate kiphawksak lo ding hi. Ama cihtaklohna leh ama mawhna hangin si ding hi.

Paunak 5:23

Ama pumpi ki-uk zo lo ahih manin sihlawh a, ama hailuatna in hankhuk sung tun’ hi.

Paunak 19:16

Thukham a zuite a khan’ sau ding a, thukham a zui lote si ding hi.