Paunak 21:1 - Tedim Bible

¹ Topa’ khut sungah kumpipa om a, lo sunga tui lak bangin a deihna peuhah hei kawikawi thei hi.

Tedim Bible Revision 2017

¹ Topaʼ khut sungah kumpipa om a, lo sunga tui lak bangin a deihna peuh ah hei kawikawi thei hi.

Paunak 21:1 Referans Kwoze

Paunak 16:9

Mihing in thu geel a, ahi zongin Topa’ deihna bangin kisemkhia hi.

Paunak 20:24

Topa in mihingte’ gamtat nading uk hi; koici gamtat ding cih mihing in bangci theih ding ahi hiam?

Ezra 6:22

Tua hi a, amaute in lungdamna tawh ni sagih sung silngo sawhloh anlum pawi bawl uh hi; bang hang hiam cih leh amau’ lungdam nading a om theih nadingin Topa in Assiria kumpipa’ lungsim amau tungah a nuam dingin bawlsak a, tua ahih manin Israel Pasian ahi Pasian’ inn a sepna uhah kumpipa in amaute huh hi.

Sawltak 7:10

Ahi zongin Pasian in amah tawh omkhawm a, gimna tawlna khempeuh lak pan gumkhia a, Izipt kumpi Faro kiangah maipha leh lungpilna pia a, tua kumpipa in Izipt gam leh ama inn Josef a uk sak hi.

Paunak 16:1

Mite in bangbang a geel zongin, Topa’ deihna bang bekin a piang ding hi zaw hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Late 106:46

Amaute a man mi khempeuhte in a khasiatpih zah dong dingin amah in amau tungah a piangsak hi.

Isaiah 43:19

En un, a thak na khat ka bawl hi; tu-in hong piang khia hi, note in thei lo na hi uh hiam? Gam lakah lam lianpi khat ka bawl ding a, sehnel gam sungah gunte ka bawl ding hi.

Late 105:25

Ama mite mudahin, ama nasemte, khemsiamna tawh a bawl dingin, amau lungsim uh amah in kiheisak hi.

Nehemiah 2:4

Tua ciangin kumpipa in, “Kei tungah bang hong ngen nuam na hi hiam?” hong ci hi. Kei zong ka lungsim tawngah vantung Pasian kiangah thu ka ngen a,

Nehemiah 1:11

Keima hong thungetna leh nangma min a zahtak nuam na nasemte’ thungetna na bil hong ngat in. Tu ni-in kei tungah mavan’na hong pia in la, kei tungah hih kumpipa hong migit nading lungsim guan in,” ka ci hi.

Late 74:15

Nangmah in ciktuite leh luite na phulsak a, guntui luangte na kangsak hi.

Isaiah 44:27

tui thukpi kiangah, ‘Keu in, na gunte ka keusak ding hi’;

Late 93:4

A sangna-a om Topa vanglian hi, tui tampi gingte sangin vanglian zaw hi, tuipi hualte sangin vanglian zaw hi.

Mangmuhna 16:12

Gukna vantungmi in ama tawi hai Eufrates gunpi tungah a buak leh, ni suahna lam pan hong pai uh kumpite ading a baihsa a pian’ nadingin guntui a kang hi.

Mangmuhna 16:4

Thumna vantungmi in ama tawi hai, gunte leh cikte tungah a buak leh, tui in sisan suak a,

Late 114:5

Tuipi aw, na taikhiat nading, Jordan gun aw, na nungkik nading,

Late 114:3

Tuipi in mu-in taikhia a, Jordan gun a nung kik hi.

Jeremiah 39:12

“Jeremiah la un. Limtak-in kem un la, bawlsia kei un. Ama’ deih bangbangin na gamta un,” a ci hi.

Paikhiatna 7:3

Ahih hangin keimah in Faro’ lungsim ka khauhsak ding a, Izipt gamah ka limte leh nalamdangte ka tamsak hangin,

2 KUMPI NIHNATE 19:33

Amah hong paina lampi mah tawnin amah kileh kik ding a, hih khuapi sungah amah hong pai lo ding hi’ Topa in ci hi.

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Nehemiah 2:8

leh biakinn hut nading mun muanhuai kongpi ding, leh khuapi kulh ding, leh ka om nading inn lam nadingin sing hong piak theih nadingin kumpipa’ tulak a kem Asaf tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Esther 2:17

kumpipa in ama numei dangte khempeuh sangin it zaw a, a nungak dangte khempeuh sangin lim bawl zaw hi. Tua hi a, kumpi lukhu amah khusakin Vashti’ taangin kumpinu suaksak hi.