Paunak 20:7 - Tedim Bible

⁷ Mi khat thumanin a hoihin a nuntak leh, ama suan-le-khakte mi hampha ahi uh hi.

Tedim Bible Revision 2017

⁷ Mi khat thumanin a hoihin a nuntak leh ama suanlekhakte mi hampha ahi uh hi.

Paunak 20:7 Referans Kwoze

Late 112:2

Ama suan-le-khakte in leitungah vanglian ding a, lungsim thutang a nei mipa’ suan-le-khakte’ thupha kipia ding hi.

Late 37:26

Amah in mi citpiak ngitnget-in, mi tungah leitawi pia khia a, a tate zong thupha ngah mi a suak hi.

Jeremiah 32:39

Amaute’ hoih nading leh amaute’ nung-a a tu a tate uh’ hoih nadingin a tawntungin kei hong zahtak nadingun lungsim kikhat leh nuntakdan kikhat ka pia ding hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Paunak 19:1

Zuau gen-a mihai hihna sangin, citak-a zawn’ khiukheuna hoihzaw hi.

Paunak 13:22

Midikte in a tu a tate’ luah ding gamh nei a, mawhneite neihsate ahih leh midikte’ ading hi lel hi.

Paunak 14:2

Thuman-a gamta mite in Topa zahtak a, a sia-a gamta mite in simmawh hi.

Late 15:2

Paubang loin gamta-in, a manin na sem a, lungsim tak a gen mi,

Piancilna 17:7

Nang leh nang’ khit cianga na suan-le-khakte' tungah Pasian ka hihna ding tawntung thuciam nadingin kei leh nang leh nang’ khit cianga na suan-le-khakte’ kikal-ah amau' khang tawntungin ka thuciamna ka kipsak ding hi.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Late 26:1

Topa aw, a hoih-in gamta-in, lungka loin Topa muang ka hih manin, ka thutan’na hong lak in.

Isaiah 33:15

Thuman in gamta-in thutang na gen uh leh na suakta ding uh hi. Na vangliatna uh mizawngte khemna-in zang kei un la, sumgolh deih kei un. Mi that ding a vaihawmte’ thu ngai loin siatna lang khatah mit si un.

Late 26:11

Ahih hangin kei ahih leh, ka hoih gamtat hi; hong tankhia in la kei hong hehpih in.

JOB (Job) 1:1

Uz gamah Job kici min nei mi khat om hi; tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah pel hi.

Paunak 14:26

Topa a zahtak mi in lungmuanna nei a, a tate’ belh theih ding ahi hi.