Paunak 20:30 - Tedim Bible

³⁰ Nakpi tak-a satna in misia kimlai a pha hong suah a, nakpi tak-a vuakna in i sung tawng hoih lohna teng siangsak hi.

Tedim Bible Revision 2017

³⁰ Nakpi takin satna in misia kimlai a pha hong suah a, nakpi takin vuakna in i sung tawng hoih lohna teng a siangsak hi.

Paunak 20:30 Referans Kwoze

Hebru 12:10

Bang hang hiam na cih uh leh, tua pate in a kilawm ci-in amaute ut bangin tawlkhat bek hong hilh uh hi. Pasian in a hih leh, ama siangthonate eite in i zop nadingin eite noptuamna ding ngaihsunin hong hilh hi.

Paunak 22:15

Naupangte a hai gamtat a ngeina hi a, deihsak-a satna in mihoih suaksak thei hi.

Paunak 19:25

Thu theilote in satna tawh pilna ngah zo bek a, thu ngaihsunte in taina lel tawh pilna ngah zo uh hi.

Isaiah 53:5

Ahih hangin eite’ khialhna hangin amah kiliamsak a, eite’ mawhna hangin amah kisatnim hi; Ama gimthuakna hangin nopna i ngah a, ama liamna hangin damna i ngah hi.

Isaiah 27:9

Amah in suang tawh kibawl biakna tau khempeuh suangkang satvui a bat sak ciangin Asherah milimte leh paknamtui taute a ding lai om nawn lo hi; hih thu hangin Jakob’ mawhna kimaisakin, a mawhna kilakkhiat sak hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Paunak 27:6

I lawmte in hong liamsak khak hangin, i hoih nading hong deihsakna hi a, i galte’ hong ngawng kawina in, hong lehbawlna ahi hi.