Paunak 20:24 - Tedim Bible

²⁴ Topa in mihingte’ gamtat nading uk hi; koici gamtat ding cih mihing in bangci theih ding ahi hiam?

Tedim Bible Revision 2017

²⁴ Topa in miteʼ gamtatna zia ding uk hi. Koici gamtat ding cih mihing in bangci theih ding ahi hiam?

Paunak 20:24 Referans Kwoze

Jeremiah 10:23

Topa aw, mihing’ omdan ama’ uk theih hi lo hi, cih ka thei ta hi; ama’ kalsuan nading ama’ geel theih hi lo hi.

Paunak 16:9

Mihing in thu geel a, ahi zongin Topa’ deihna bangin kisemkhia hi.

Late 25:12

Topa a zahtak mi kua ahi hiam? A lampi zuih ding Pasian’ hilhna a ngah mipa ahi hi.

Late 37:23

Mi khat’ kalsuannate Topa’ kiang pan hi a, ama lungkim banga a gamtapa amah in kipsak hi;

Late 25:4

Topa aw, na zia na tong thei-in hong bawl in la, na lampite hong hilh in.

Paunak 14:8

Thu ngaihsun theite a pilna in lampi man musak a, mihaite a haina in lam khialsak hi.

Sawltak 17:28

Bang hang hiam na cih uh leh, Pasian hangin eite i hing, i tang, i nungta hi. Tua mah bangin note’ lai-atpa khat in a gen mah bangin, ‘Eite in ama suan i hi hi,’ a ci hi.

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Paunak 16:1

Mite in bangbang a geel zongin, Topa’ deihna bang bekin a piang ding hi zaw hi.