Paunak 20:23 - Tedim Bible

²³ Tawisuang nam nih a zangte, Topa in mudah a, amah in tawikhaina man lote hoihsa lo hi.

Tedim Bible Revision 2017

²³ Tawisuang nam nih a zangte Topa in mudah a, amah in tawikhaina man lote hoih sa lo hi.

Paunak 20:23 Referans Kwoze

Paunak 20:10

Tawisuang nam nih leh piciang nam nih zanga khemna, Topa in a deih lohna kibang hi.

Hosea 12:7

Sumbukte in tawi tehna man lo zang uh a, amaute in mi khem ding nuam a sa uh hi.

Ezekiel 45:10

“Mi khempeuh in tawisuang man leh tehna man zang ding uh hi.

Paunak 11:1

Topa in tawikhaina man lo a zangte mudah a, tawikhaina man a zangte tungah lungkim hi.

Amos 8:5

Note in na lungsim sung uhah, “I ante i zuak theih nadingin, zumkhak hun sung i ngak lah hi. I mangbuhte i zuak theih nadingin, cik ciangin sabbath ni bei ding hiam? I an tehna seu neu seekin, sum tampi i ngen nuam a, tawi khaina man lo zangin, a hong leite i khem nuam hi.

Thu-hilhkikna 25:13

“Na ip sung uhah tawisuang nam nih, a gik leh a zang, na neikhawm kei ding uh hi.