Paunak 20:22 - Tedim Bible

²² Mite’ hong bawlsiatna thukkik ding ngaihsun kei in, Topa’ hong huh ding ngak in.

Tedim Bible Revision 2017

²² Miteʼ hong bawlsiatna thuk ding ngaihsun kei inla, Topaʼ hong huh ding ngak zaw in.

Paunak 20:22 Referans Kwoze

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

Paunak 24:29

Kei tunga hong bawl bangin kei zong ka bawl ding a, ama hong hihna bangin ka thuk ding hi, ci kha kei in.

Paunak 17:13

Thuhoih kimlai thusia tawh a thukte’ inn sungah, cik mahin thusia veng cih om ngei lo hi.

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.

Thu-hilhkikna 32:35

Phulakna leh thukkikna kei’ aa ahi hi, a hun ciangin amaute puk ding uh hi; bang hang hiam cih leh amau’ gim ngah hun ding hong nai a, amau’ siat nading hong tung pah hi.

1 PETER MASA 2:23

Kosiatna a thuak lai takin a kosia kik kei hi, gimna a thuak lai takin lau nadingin tawngkik loin, thuman a khenpa’ khut sungah ama pumpi a pia hi.

Mattiu 5:39

Ke’n kong cih-inah, a gilo mi na thukkik kei un. Na pang taklam mi khatpeuh in hong bet leh, pang langkhat zong na dawh lai un,

1 PETER MASA 4:19

Tua ahih ciangin Pasian’ deihna bangin gimna a thuak mite in, a pha a gamtatna uh zomin, thuman ahi amaute a Bawlpa’ khut sungah amau kha uh pia ta uh hen.

Late 27:14

Topa ngak in; tha khauh in la, na lungsim hangsak in; hi hi, Topa ngak in!

2 SAMUEL NIHNA 16:12

Topa in ka thuakna hong en-in, tu ni-a kei hong samsiatna hangin Topa in a hoih tawh kei hong thuk kha ding hi,” a ci hi.

Isaiah 40:31

Ahih hangin Topa a ngak mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.

Late 37:34

Topa ngak in la ama lampi zui in, leitang luah dingin nang hong liansak ding hi; migilote’ siatna na en ding hi.

Paunak 20:21

A baihlam-a hauh pakna in, a tawpna ah phattuamna om lo hi.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte na it ding uh hi: keimah in Topa ka hi hi.

1 SAMUEL MASA 25:13

Tua ciangin David in ama mite kiangah, “Mi khempeuh in na namsau uh kuah ciat un!” a ci hi. Amaute khempeuh in a namsau uh kuah uh hi; David in zong a namsau kuah hi; mihing zali bang David nungah paito uh a, mihing zanihte van tawh om uh hi.

Late 37:40

Amaute in Topa bel ahih manin amah in amaute huhin honkhia hi; migilote kiang panin amaute honin suaktasak hi.

Paunak 19:11

Pilna in mi lungduaisak a, mi’ hong hehsaknate kiphawkmawh bawlna in minthan’na hi.