Paunak 20:13 - Tedim Bible

¹³ Lumlum lecin na zawng ding a, semsem lecin na hau ding hi.

Tedim Bible Revision 2017

¹³ Lumlum lecin na zawng dinga, semsem lecin na hau ding hi.

Paunak 20:13 Referans Kwoze

Paunak 19:15

A thadahte lumlum a, a mawk omte a gil kial hi.

ROM (Romans) 12:11

Nasep hahkat un la, thadah kei un. Lungdamna tawh Topa’na na sem un.

Paunak 12:11

Nakpi tak-a lokhote in an hau a, man nei lopi-a hun beisakna in haina hi.

Paunak 10:4

Thadahna in zawn’na hi a, thanuamna in hauhna hi.

Paunak 13:4

Thadah mi in a deih ngah zo lo a, nasep hahkat mi in a deih khempeuh ngah zo hi.

2 THESALONIKA NIHNA 3:10

Bang hang hiam na cih uh leh, kote in note tawh ka omkhawm lai takun, “Mi khat peuhmah in na a sep nop kei leh, tua mi in an ne kei hen,” ci-in thu kong pia uh hi.

ROM (Romans) 13:11

Tua tham loin, eite hong gupna in eite upna ni tawh a nai sangin, tu-in hong naizaw ahih ciangin note in ihmutna pana khan’lawh nading hun hong tung zo hi ci-in na thei un.

Efesa 5:14

Tua ahih ciangin: “A ihmu mi aw, Khanglo in la, sihna pan thokik in! Tua bang ahih leh, Khazih in nang tungah hong taang ding hi,” a ci hi.

Jonah 1:6

Teembaw ukpa in amah a muh ciangin, “Ihmu pa aw, bang na cihna hiam? Tho in la, na pasian kiangah thu ngen in! I sih loh nadingin amah in eite hong ngaihsun kha thei ding hi,” a ci hi.

1 KORIN MASA 15:34

Note kimkhat in Pasian kitheih mawhbawl na hih uh ciangin kilehkik un, mawhna hih nawn kei un – tua bang ka cih ciangin note zum nadingin kong ci hi.

Paunak 20:14

Vanleipa in vanzuakpa kiangah, “Kiman kei, kiman kei,” ci ci a, a paikhiat khit ciangin sum dek siam ing, ci-in mi kiangah kisial hi.

Paunak 28:19

Nakpi tak-a lo khopa hau mahmah a, bangmah-a kimang tum lo a sempa zawng mahmah hi.

Paunak 31:15

Phalvak tungin ziingtho a, an nek ding teng lim takin bawlin, a nasem numeite’ sep ding teng vaihawmsak hi.