Paunak 2:9 - Tedim Bible

⁹ Tua hi leh thuman leh thutang, ahoih leh a kilawm na thei ding hi.

Tedim Bible Revision 2017

⁹ Tua hileh thuman le thutang a hoih le a kilawm na thei ding hi.

Paunak 2:9 Referans Kwoze

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Isaiah 48:17

Israelte’ Siangtho Pa, nangmah hong Tan, Topa in: Keimah in, phattuamna na ngah nading a, a hong hilh, na zuih ding a, kilawm lampi-ah a hong paipih Topa na Pasian ka hi hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Late 119:99

Ka siate khempeuh sangin thu ka telzaw hi, bang hang hiam cih leh na teci pan’nate ka ngaihsunsun hi.

Late 32:8

Na paina ding lampi lakin kong hilh ding a, ka mit tawh hong enin thu kong hilh ding hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Late 119:105

Na thu in kei, lam hong lak ding meivak hi a, ka paina lampi-ah khuavak ahi hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Paunak 8:20

Keimah in thuman lampi ka zui a, thutang lampi ka tawn hi.

Paunak 28:5

Mi sia-huaite in thutang cih mel thei lo uh a, Topa a biate in ahih leh a kicingin thei uh hi.

Late 25:12

Topa a zahtak mi kua ahi hiam? A lampi zuih ding Pasian’ hilhna a ngah mipa ahi hi.

Paunak 4:12

Hoih takin gamta lecin bangmah in hong nawngkaisak lo ding a, na tai hangin zong na puk kha kei ding hi.