Paunak 2:16 - Tedim Bible

^16-17 A pasal tungah citak loin a pasal a nusia, Pasian’ mai-ah a kiciamna a mangngilh, kamkhum mahmah tawh nang zol ding a hanciam, numei paktatte panin hong cing ding hi.

Tedim Bible Revision 2017

^16-17 A pasal tungah citak loin a pasal a nusia, Pasianʼ mai ah a kiciamna a mangngilh, kam khum mahmah tawh nangmah zol ding a hanciam, numei paktatte panin hong cing ding hi.

Paunak 2:16 Referans Kwoze

Thuhilh-sia 7:26

Sihna sangin numei a siahuai zawkna ka theikhia hi. Ama hong piak itna in thang bangin hong tepcip a, ama hong kawina khut in sikkhau bangin hong hencip hi. Pasian’ deihna banga gamtate in tua bang numei pel thei a, ahi zongin a mawh nuamte a thang ah awk uh hi.

Paunak 23:27

Numei paktatte in kiat theihna gum tawh kibang a, numei ginalote in tangciak theihna hawkguam tawh kibang hi.

Paunak 22:14

Numei tunga mawhna in thangzak bang hi a, tua thang ah a awkte tungah Topa heh hi.

Paunak 6:24

Mi’ zi tawh na mawh loh nading nang hong kemin, kamkhum zanga hong zol numei ginalote kiang panin hong hu ding hi.

Paunak 29:5

A man lopi-a mi khat mawk phatna in, a awk nadingin thangsiahna ahi hi.

Thukhente 14:17

Tua nu a pawi ni sagih hun sung teng ama mai-ah kap hi; a ni sagih ni-in amah in tua nu kiangah gen hi; bang hang hiam cih leh amah in nakpi takin kunh hi. Tua ciangin tua nu in a gam mite kiangah tua thu-haksa gen hi.

Paunak 26:28

Zuau genna in midik kim lai a mawh bangsak a, tungtham bek-a thugenna in siatna bek piangsak hi.