Paunak 19:23 - Tedim Bible

²³ Topa a zahtakte in nuntakna nei-in, lungkim takin nuamsa-in om uh a, siatna bangmah tuak kha lo uh hi.

Tedim Bible Revision 2017

²³ Topa a zahtakte a khansau a, lungkim takin nuamsa-in om uh a, siatna bangmah tuak kha lo uh hi.

Paunak 19:23 Referans Kwoze

Mattiu 5:6

“Gilkial a, an duh banga lungsiangtho a deihte in thupha a ngah ding uh hi. Bang hang hiam na cih uh leh, amau in vaakna a ngah ding uh hi.”

Paunak 12:21

Thumante tungah thusia tung lo a, migilote, lungkhamna tawh kidim hi.

Late 90:14

Ka nuntak tawntung uh lungdamin ka kipak theih nadingun zingsangin na itna kip tawh kote hong lungkimsak in.

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Paunak 10:27

Topa zahtakna in khan’sausak a, migilote khan’ sih hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Late 85:9

I gam sungah minthan’na a om theih nadingin amah a zahtakte’ adingin ama hotkhiatna hong om takpi hi.

ROM (Romans) 8:28

Pasian a it mite ahi uh, a geelna banga a sap mite adingin na khempeuh in hoih nadingin a piang uh hi cih i thei hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Late 91:16

Nuntak sau tawh amah ka lungkim sak ding a, amah ka honkhia ding hi.

Late 25:13

Amah nuamsa tawntung ding a, a tate in leitang nei ding uh hi.

2 TIMOTI NIHNA 4:18

Topa in thu hoih lo khempeuh pan hong honkhia a, ama vantung dongin hong kha ding hi. Tua Topa in a tawntungin minthan’na ngah ta hen. Amen.

Late 19:9

Topa a kizahtakna in siang a, kip tawntung hi; Topa’ ngeina kipte thuman a, a vekpi-in kituak takin man kim hi.

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

Late 91:10

na tungah siatna hong tung lo ding a, na innah gimna hong tung lo ding hi.

Paunak 11:19

Thu man-a gamtat ding a hanciamte nungta ding a, asia-a gamta teiteite si ding hi.

Paunak 19:22

Duhhopna in mindaina hi a, zuau genpa hihna sangin mizawng hihna hoihzaw lai hi.

Paunak 3:24

Launa om loin nuam takin na lum ding a, zan tawntung lungmuang takin na ihmu thei ding hi.

Paunak 22:4

Kiniamkhiat-a, Topa zahtakna thaman in, hauhna, minthan’na, leh khan’sauna ahi hi.