Paunak 19:17 - Tedim Bible

¹⁷ Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Tedim Bible Revision 2017

¹⁷ Mizawngte tungah a piate in Topaʼ tungah a pia hi a, Topa in a cingin amaute tungah lohkik ding hi.

Paunak 19:17 Referans Kwoze

Paunak 28:27

Mizawng a huhte cimawh ngei lo ding a, huhna a pia nuam lote in samsiatna ngah ding hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Luka 6:38

Midangte na piak uh leh, note hong kipia ding hi. Seeng a, teh hoih bek tham lo, a kinengcip, a kilok a kitat a dimlet a, om na ang sung uh ah hong kisung ding hi. Bang hang hiam na cih uh leh, midangte na piakna uh seengin, note zong hong kipia kik ding hi,” a ci hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Thuhilh-sia 11:1

Tui tungah na anlum khia in, ni tampi khit ciangin na mu kik ding hi.

Paunak 14:31

Mizawngte bawlsiatna in a piangsak Pasian simmawhna hi a, mizawngte tungah citna in Pasian zahtakna ahi hi.

Filippi 4:17

Tua bang ka cih ciangin huhna sumpi a zong ka hi hi, a ci ka hi kei hi. Note ading a gah a khan’na bek ka zong hi.

Paunak 14:21

Mizawngte a simmawhte a khial hi a, mizawngte’ tungah a cinghte thupha ngah ahi hi.

Paunak 28:8

A meet a pung lakna tawh a hau mipa in, mizawngte a hehpih thei mipa’ adingin sum zong hi lel hi.

Paunak 12:14

Mite in kamhoih pauna hangin thaman ngah a, a sepna bangun zong thaman ngah hi.

2 SAMUEL NIHNA 12:6

amah hih bangin gamta a, amah in hehpihna nei lo ahih manin a tuuno a zah li-in loh ding hi,” a ci hi.

Thu-hilhkikna 24:19

“Na lo-ah an la-in lo lai ah anlom na mangngilh uh ciangin a tawm dingin na paikik kei ding uh hi; tua in peemta, pa nei lo, leh meigong numeite’ ading ahi uh hi; hih in Topa note Pasian in na khut tawh na sepna khempeuh uhah note thupha hong piak theih nading ahi hi.

Late 72:13

Amah in a thakiam mi leh a cimawh mite hehpih a, mi cimawhte’ nuntakna hon hi.

Paunak 22:9

A cingh mite in mizawngte an pia a, amah in thupha ngah kik hi.

Thuhilh-sia 11:2

Na neihsate, mun sagih ahi a, mun giat-ah ahi zongin khen kawikawi in. Hih leitungah bang thusia hong piang ding cih na thei khol kei hi.

Late 41:2

Topa in amah hu-in hingsak hi; leitungah amah thupha ngah mipa kici hi; ama galte’ deihna-ah amah na piakhia kei hi.