Paunak 19:14 - Tedim Bible

¹⁴ Inn leh neihsate in pate tung panin a kiluah hi a, zipil ahih leh Topa bek in hong pia thei hi.

Tedim Bible Revision 2017

¹⁴ Inn le neihsate pen pateʼ tung panin a kiluah hi a, zi pil ahihleh Topa bek in hong pia thei hi.

Paunak 19:14 Referans Kwoze

Paunak 18:22

Zi a mu zote na hoih a mu hi a, Topa’ maipha a ngah ahi hi.

Paunak 13:22

Midikte in a tu a tate’ luah ding gamh nei a, mawhneite neihsate ahih leh midikte’ ading hi lel hi.

Paunak 3:6

Na hihna khempeuh ah amah phawk in; tua hi leh lampi maan hong lak ding hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

2 KORIN NIHNA 12:14

Thum veina note kiangah hong pai dingin a kigingin ka om hi. Ahih hangin note’ adingin vangik ka hi kei ding hi. Bang hang hiam na cih leh, note neihsate deihin, a zong ka hi kei hi, nomau mahmah kong zong hi. Tanute tapate in a nu a pate ading sum khol ahi kei uh hi; a nute a pate in a tanute a tapate ading sum a khol uh hi.

Thu-hilhkikna 21:16

a tapate tungah gamluah dingin ama neihsa a hawm ciangin, a muhdah nu’ tapa cil sangin deih zawkna hangin a it nu’ tapa pen a tacil-in bawl thei lo ding hi,

Joshua 11:23

Topa in Moses tungah a gensa bangin Joshua in leitang khempeuh la hi; tua ciangin Joshua in amau minam tawh kizui-in a ngah ding bangin Israel mite tungah gamh-in pia hi. Tua-a kipan galdona panin tua gam tawlnga hi.

Piancilna 24:7

Ka pa’ inn leh ka suahna leitang panin kei hong la-in, kei' kiangah thu hong genin kei' tungah hong kiciam a, ‘Na suan-le-khakte' tungah hih leitang ka pia ding hi,’ a hong ci vantung Pasian, Topa in nangma' mai-ah a vantungmi sawl ding a, tua lai mun panin nangmah in ka tapa ading zi khat na la ding hi.

Piancilna 24:44

'Dawn in, na kalaohte’ ading zong kong tawisak ding hi,' hong ci nu pen, ka topa’ tapa’ adingin Topa in a sehsa numei hisak in," ka ci hi.

1 SAMUEL MASA 25:3

Tu-in tua mipa’ min in Nabal hi a, a zi’ min in Abigail ahi hi, Tua numei in tei leh melhoih a thuah khat hi a, ahih hangin a pasal pen a ki-uk zolo mi leh a gamtat sia khat ahi hi; amah in Kaleb mi ahi hi.