Paunak 19:12 - Tedim Bible

¹² Kumpipa’ hehna in humpinelkai hawk bangin lauhuai a, ama pahtakna in lopa tunga daitui taak bangin deihhuai hi.

Tedim Bible Revision 2017

¹² Kumpipaʼ hehna humpinelkai hawk bangin lauhuai a, ama pahtakna lopa tunga daitui taak bangin deihhuai hi.

Paunak 19:12 Referans Kwoze

Hosea 14:5

Gam keuna mun-a guahzu bangin Israel mite tungah nuntakna guah ka hi ding hi. Unok Paak bangin amaute palh ding a, Lebanon gama singkungte bangin zung thuk kha-in kip ding uh hi.

Paunak 20:2

Kumpipa’ hehna in a lauhuai humpinelkai hawk bang hi a, kumpipa a hehsak khate in sih lawh uh hi.

Paunak 28:15

Mizawngte a uk migilopa in humpinelkai gilkial, leh vompi halungvei tawh kibang hi.

Late 133:3

Tua in, Zion mualte tunga a kia Hermon mual pan-a daitui tawh kibang hi. Bang hang hiam cih leh Topa in nuntak tawntungna thupha tua mun-ah a pia hi.

Micah 5:7

Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

Daniel 6:24

Tua ciangin kumpipa in a hek teng khempeuh a zi a ta tek uh tawh humpinelkai koihna khuk sunga khiat dingin thu a pia hi. Amaute humpinelkai khuk taw a tun’ ma-un humpinelkai in bak khat suahin a guh a taang-in a balzan gawp hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta in a liing uh hi. Mi khatpeuh a thah nop leh that a, a nuntak sak nop leh a nungta sak hi. A ut leh mi khatpeuh pahtawi-in, a ut leh a daisak thei hi.

Thuhilh-sia 8:4

Kumpipa in aana neihna tawh gamta hi; ama gen bangin gamta in; kuamah in amah nial zo lo hi.

Late 72:6

Amah, pawn lak lopa tunga guah kia leh lei a kawtsak guahzu tawh kibang ta hen!

Esther 7:8

Kumpi huan panin a annekna mun uhah kumpipa hong paikik ciangin Esther’ tutna lamah Haman na awn phei-a om mu a, kumpipa in, “Ka inn sung ka muhna nangawn-ah hih mipa in kumpinu hih ding ahi hiam?” ci hi. Kumpipa in tua thu a cih phetin amaute in Haman’ mai puan khuh uh hi.

2 SAMUEL NIHNA 23:4

amah in amaute tungah zingsang khuavak bangin taang a meii kaai loh ni zingsang-a nitaang khia, lei lak panin lopate a selkhiasak guahtui bang hi.

Piancilna 27:28

Pasian in na tungah vantung daitui hong pia hen la, na lote hoihsak ta hen. An leh leenggahzu tampi hong pia ta hen.

Thu-hilhkikna 33:28

Tua ahih ciangin lungmuanna sungah Israel bek teeng hi, Jakob’ suante bek, an leh leenggahzu gamah om hi; hi taktak hi, a vantungte in daitui hong khiatsuk hi.

Isaiah 18:4

Bang hang hiam cih leh Topa in kei tungah, “Nitaang sunga nisa silsel, anlak nisa sunga meiizun bangin, ka omna panin daitakin ka en ding hi” hong ci hi.

Esther 1:12

Ahih hangin Kumpinu Vashti in innsung mangte’ thu puak kumpipa’ sapna nial hi. Hih a nialna thu ah kumpipa heh mahmah a, a hehna hangin a sin sung so hi.