Paunak 19:10 - Tedim Bible

¹⁰ Mihaite, a nop lua-a nuntak ding kilawm lo a, silate in, miliante a uk ding kilawm lozaw lai hi.

Tedim Bible Revision 2017

¹⁰ Mihaite a nop lua-in a nuntak ding kilawm lo a, silate in mi liante a uk ding kilawm lo zaw lai hi.

Paunak 19:10 Referans Kwoze

Paunak 26:1

Tuk lai tak-a vukkia, leh an lak hun-a guahzu bangin, pahtawina in mihaite’ adingin a kilawmna om lo hi.

Jeim 4:9

Lunggimna thuakin, thuumin, kapin, om un. Note’ nuihna pen dahna suahsak un. Note’ lungdamna uh zong dahna suaksak un.

Luka 16:23

Sumhaupa zong si a, a kivui hi. Meikuang sungah gimna nakpi a thuak lai takin a khuadak leh, Abraham leh Abraham’ ang ah Lazaras a om gamlapi panin a gal muh hi.

Luka 16:19

“Nidang lai-inah sumhaupa khat a om hi. Tua pa in puansan leh saihadial puan silhin ni simin nuamin an pha bel ne-in a om hi.

Hosea 9:1

Israel mite aw, mi dangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.

Isaiah 3:5

Mite khat leh khat, mi khempeuh in a lawmte ciat, mi khempeuh in a veengte ciat, kinencip gawp ding uh hi; khangnote pen uhamte tungah, migina lote pen miliante tungah kiphasak ding uh hi.

Esther 3:15

Kumpipa’ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawmkhia ahi hi. Kumpipa leh Haman zu ne-in om uh a, ahi zongin Susa khuapi sung buai mahmah hi.

2 SAMUEL NIHNA 3:39

Sathau kinilh kumpipa hi napi-in tu ni-in ka thaneem hi; hih Zeruiah’ tapate kei adingin haksa lua hi. Gamtat siapa a gitlohna bangin Topa in thuk ta hen!” a ci hi.

1 SAMUEL MASA 25:36

Tua ciangin Nabal kiangah Abigail hong tung hi; en in, kumpipa’ pawi tawh kibangin amah in a inn sungah pawi na kham hi. Nabal lungnuam mahmah hi; bang hang hiam cih leh amah in zu kham mahmah hi; tua ahih ciangin zingsang khuavak mateng ama kiangah bangmah gen peuhmah lo hi.

Paunak 17:7

Miliante in zuauthu gen ngei lo a, mihaite in na-a kimang kampau ngei lo hi.