Paunak 18:23 - Tedim Bible

²³ Mizawngte a pau ciangin thuumna kam zang a, mihaute in a dawn’ ciangin kihihsakna kam zang hi.

Tedim Bible Revision 2017

²³ Mizawngte a pau ciangin thumna kam zang a, mihaute in a dawn ciangin kihihsakna kam zang hi.

Paunak 18:23 Referans Kwoze

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Mattiu 5:3

“Lungsim niamkhiatte in thupha a ngah ding uh hi. Bang hang hiam na cih uh leh, Vantung Gam in amau gam uh ahi ding hi.”

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

1 SAMUEL MASA 25:17

Tua ahih ciangin hih thu thei in la, na hih ding ngaihsun in; bang hang hiam cih leh ka topa leh a innkuan khempeuh tungah siatna tun’sak ding kingaihsun a, amah a khan’sia ahih manin kuamah in hopih thei lo hi,” a ci hi.

1 SAMUEL MASA 25:10

Tua ciangin Nabal in David’ nasemte dawngin, “David kua ahi hiam? Jessi’ tapa kua ahi hiam? Tu lai-in a tote kiang panin a taikhia nasem tampi om hi.

1 SAMUEL MASA 2:36

Na inn sung panin a suakta mite khempeuh ngun peek khat ahi a, anlum lum khat ngen ding ahi zongin ama kiangah pai-in, “An tawm ka nek theih nadingin siampipa omna mun khat peuhpeuh ah kei hong koih in, ci-in kong thum hi,” ci ding uh hi,’ a ci hi,” ci-in a gen hi.

Ruth 2:7

Tua numei in, ‘Kong thum hi, ansangh hong tawm sakin an late nungah anlomte lakah a kiate hong khawm sak in,’ hong ci hi. Tua ahih ciangin amah hong pai-in tawlkhat zong khawl loin zingsang tunga kipan tu dong sem suak hi,” a ci hi.

Paikhiatna 5:2

Ahih hangin Faro in, “Ama' aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi,” ci hi.

Piancilna 42:30

“Mipa, tua gam topa kote' tungah hong khauh pau-in, tua gam thukan-in kote hong ngaihsun hi.

Piancilna 42:7

Josef in a sanggamte mu-in thei a, ahih hangin amah in mi dang bangin bawlin amaute' tungah khauh pau hi. “Koi pan-a hong pai na hi uh hiam?” amah in ci hi. Amaute in, “An lei dingin Kanaan gam panin hong pai hi ung,” ci uh hi.

1 KUMPI MASATE 12:13

Tua ciangin kumpipa in mite ngawh dawn’ a, khangham mite in ama tungah ngaihsutna a piak thute nusia-in,

2 KHANG TANGTHU NIHNATE 10:13

Tua ciangin kumpipa in amaute ngawh dawnin khangham mite’ ngaihsut piakna nusia a,

Paunak 19:7

Mi khempeuh in a sanggam zawngpa uh mudah ciat a, a lawmte in a taisatna thu lamdang hi lo hi. A nungah zui-in a sap uh hangin amaute kimu zo nawn lo uh hi.

Paunak 22:7

Mihaute in mizawngte uk a, leitawi a late in a piate’ sila suak hi.

JOB (Job) 41:3

Amah in na khah ding hong thuum ding a, na hehpih ding hong ngen ding ahi hiam?