Paunak 18:22 - Tedim Bible

²² Zi a mu zote na hoih a mu hi a, Topa’ maipha a ngah ahi hi.

Tedim Bible Revision 2017

²² Zi a mu zote na hoih a mu hi a, Topaʼ maipha a ngah ahi hi.

Paunak 18:22 Referans Kwoze

Paunak 19:14

Inn leh neihsate in pate tung panin a kiluah hi a, zipil ahih leh Topa bek in hong pia thei hi.

Paunak 12:4

Zi hoih in a pasal’ minthan’na leh lungdamna hi a, a pasal a maizumsak zi in a pasal adingin a dam thei lo guhnatna tawh kibang hi.

Thuhilh-sia 9:9

Pasian in hih leitungah nang a hong piak, tomkha sung na nuntak lai teng, na it na zi tawh a nuam thei thei-in om in. Leitung lungkhamna sungah na lawhtak tua bek mah hi ding hi.

1 KORIN MASA 7:2

Ahi zongin numei tawh mawhna thute hangin pasal khempeuh in zi nei ciat uh hen. Numei khempeuh in zong pasal nei ciat uh hen.

Piancilna 2:18

Tua ciangin Topa Pasian in, “Mipa amah guak a om ding hoih lo hi; ama adinga kituak a huh ding ka bawlsak ding hi,” ci hi.

Hosea 12:12

Aram gamah Jakob tai a, Israel in tua lai-ah zi khat thalawhin na sem a, zi thalawhna tuu cing hi.

Paunak 8:35

Kei hong mu mipa in nuntakna a mu hi a, Topa’ mai-ah maipha ngah hi.

Paunak 3:4

Tua hi leh, Pasian leh mite mai-ah maipha ngahin na ma vang ding hi.

Piancilna 24:67

Tua ciangin Isaak in a nu Sarah’ puanbuk sungah tua nu paipihin, Rebekah la a, amah pen a zi suak hi; amah in tua nu it hi. Tua ahih ciangin a nu’ sih khit ciangin Isaak in hehnepna ngah hi.

Piancilna 29:28

Tua mah bangin Jakob gamta a, tua nu’ pawi hun sung beisak phot hi; tua ciangin Laban in a tanu Rachel a zi dingin pia hi.

Ruth 4:10

A site’ min ama sanggamte leh a pian’na a khua sung panin a maiman’ loh nadingin ama gamhluahna-ah a site min a kizop theih nadingin a si khin Mahlon’ zi, Moab numei Ruth zong ka zi dingin ka lei khin hi; note in tu ni-in teci na hi uh hi,” a ci hi.