Paunak 18:18 - Tedim Bible

¹⁸ Thu a gen siam tuaktuak mi nih, zum sungah a kisel ciangin, kiciamna bek in thu khen zo hi.

Tedim Bible Revision 2017

¹⁸ Thugen a siam tuak mi nih zum sungah a kiseel ciangin kiciamna bek in thu khen zo hi.

Paunak 18:18 Referans Kwoze

Paunak 16:33

Mite in bangbangin ai a san zongin, a piang ding thu in, Topa’ deihna bang bek hizaw hi.

Nehemiah 11:1

Tua ciangin Jerusalem ah mi makaite teeng uh hi; tua lo midang teng, amau’ lak pan mi sawm-ah khat, khuapi siangtho Jerusalem ah a teeng dingin aisaanna tawh kiteel uh a, a om lai mi sawm-ah kuate ahih leh khuapi dangte ah om uh hi.

1 KHANG TANGTHU MASATE 24:31

Hihte in zong a behte uh ahi Aaron’ suante mah bangin kumpi David, Zadok, Ahimelek, leh siampite leh Levi mi beh lutangte’ muhna ah beh lutangte leh a nau pasalte ciat in a kibangin ai saanna tawh nasepna tavuan la uh hi.

1 KHANG TANGTHU MASATE 6:63

Merari-te beh tungah a innkuan-a kizui-in Reuben-te’ gam, Gad-te’ gam, leh Zebulun-te’ gam sung panin khuapi sawm-le-nih kipia hi.

1 SAMUEL MASA 14:42

Tua ciangin Saul in, “Kei leh ka tapa Jonathan kikal-ah ai saan un,” a ci hi. Tua ciangin Jonathan kila hi.

Joshua 14:2

Minam kua leh alangte’ adingin Topa in Moses a thupiak bangin amau’ gamhte aisanna tawh kipia hi.

Paunak 18:17

Thukhenna zumah, a langpa in a thuk mateng, a gen masapa a thuman tawh kibang hi.

Paunak 18:19

Sanggamte huhna in khuapi muanhuai bangin hong hu a, sanggam tawh kitotna in kidon lohna piangsak hi.

1 SAMUEL MASA 14:41

Tua ahih ciangin Saul in, “Israelte’ Pasian Topa aw, bang hangin tuni-in na nasempa hong dawng lo na hi hiam? Hih mawhna kei tungah a hi a, ka tapa Jonathan’ tungah ahi zongin a om leh, Israelte’ Pasian, Topa aw, Urim hong pia in; ahih hangin hih mawhna na mi Israelte tungah om ahih leh Thummim hong pia in,” a ci hi. Tua ciangin Jonathan leh Saul kila a, ahih hangin mite suakta hi.