Paunak 18:12 - Tedim Bible

¹² A kiniamkhiatte in zahtakna ngah uh a, a kihisakte in siat ding a manawh hi ta hi.

Tedim Bible Revision 2017

¹² A kiniamkhiatte in zahtakna ngah uh a, a kihisakte pen siat ding a manawh hi ta hi.

Paunak 18:12 Referans Kwoze

Paunak 15:33

Topa zahtakna in pilna mah hi pah a, kiniamkhiatna in pahtawina hong ngah sak hi.

1 PETER MASA 5:5

Tua mah bangin khangnote aw, a khan’ sawt upate ukna na mang un. Ahi hi. Note khempeuh in khat leh khat na kizep nadingun kiniamsakna na silh un. Bang hang hiam na cih uh leh, “Pasian in a kisatheite a kham hi; a lungniamsakte kiangah hehpihna thupha a pia hi.”

Paunak 11:2

Mi kiphasakte in minsiatna ngah pak ding a, lungsim niamkhiatna tawh pilna kingah hi.

Ezekiel 28:2

“Ezekiel aw, Tai-ar khuapi a ukpa kiangah Topa Pasian keimah in ka gen nop thu, ama tungah hih bangin gen in: Kisak theihna lungsim lianpi nei-in tuipite’ laizang ah pasian’ tokhom tungah tu-in, kei in pasian khat ka hi hi, na ci hi. Nang in pasian bangin pil na kisak hangin, mihing khat na hi lel bek hi.

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Paunak 16:18

Kisaktheihna in siatna hong tuak sak a, kiphatsakna in pukna hong piang sak hi.

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

Ezekiel 28:9

Nang hong that ding hong kuan ciangun, kei, pasian bang hi’ng, na ci lailai diam? Nang hong thatte na tuah ciangin, mihing na hih lelna kilang ding hi.

Daniel 9:23

Pasian tunga thuum dinga na kisak lai takin Amah in a hong za zo hi. Pasian in nang hong it ahih manin, tua thu gen dingin ka hong pai zo hi. Tu in, tua mangmuhna thu ka hong hilh tel lai takin, ciamteh in.

Daniel 9:20

Keima mawhna leh ka mipih Israelte’ mawhna pulakin, ka Topa Pasian kiangah a mual siangtho a hong puahkik nadingin thuumin thu ka ngenngen hi.

Ezekiel 29:9

Izipt gam khempeuh a kinusia gam simtham suak ding a, tua ciangin Topa ka hihna thu na thei ding hi. Nangmah in Nail Gunpi in keima aa hi a, keima bawlsa hi, ci na hih manin,

1 KUMPI MASATE 3:7

Tu-in, Topa ka Pasian aw, keimah in naupang no khat hi napi-in ka pa David’ munah kumpi-in na nasempa nong koih hi; bangci pusuah ding cih ahi a, bangci sungtum ding cih ahi zongin bangmah ka thei kei hi.