Paunak 17:27 - Tedim Bible

²⁷ Thu a thei taktakte in gengen khol lo a, a paupau khollote thu mu taktak hizaw hi.

Tedim Bible Revision 2017

²⁷ Thu a thei taktakte in gengen khol lo a, a paupau khol lote thumu taktak hizaw hi.

Paunak 17:27 Referans Kwoze

Jeim 3:18

Kilemna a piangsak thei mite ading dikna thu khaici kilemna tawh kivawhin a om hi.

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.

Paunak 14:29

A lungduaite mipil hi a, lungtomna in haina kilatna hi.

Paunak 10:19

Kam tam paute, tampi khial a, pau ip theite mipil hi.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

Paunak 15:28

Mihoihte in a kampau ding ngaihsun phot a, migilote’ paupakna in thusia tawh kizom hi.

Thuhilh-sia 9:17

Mihai hon lakah gam-ukpa in, thu a gen lualua sangin, mipilpa in dam taka a gen hiathiat ngaih huaizaw hi.

Paunak 16:32

Vangliatna sangin lungduaina hoihzaw a, khuapi khat ukna sangin eima pumpi ki-uk zawhna hoihzaw hi.