Paunak 17:21 - Tedim Bible

²¹ Tapa hai in a pa’ lungkhamna hi a, tahai a neipa a lungdam lo hi.

Tedim Bible Revision 2017

²¹ Tapa hai pen a paʼ lungkhamna hi a, ta hai a nei pa a lung dam lo hi.

Paunak 17:21 Referans Kwoze

Paunak 10:1

Solomon’ paunakte in: Tapil in a pa lungdamsak a, tahai in a nu dahsak hi.

Paunak 19:13

Tapa hai in a pa’ lungkhamna hi a, zi phunphun in a theu thei lo guahciin tawh kibang hi.

Paunak 17:25

Ta hai in a pa dahsak a, a pian’na a nu zong lungkhamsak hi.

Paunak 15:20

Ta pilte in a pa lungdam sak a, mihaite in a nu simmawh hi.

Piancilna 26:34

Esau kum sawmli a phak ciangin, Hit mi Be-eri’ tanu Judith leh Hit mi Elon’ tanu Basemath zi-in la hi;

3 JOHAN THUMNA 1:4

Ka tate in thuman thutak lam a zuih thu ka zak cianga ka nuamna sangin nuam zawkna a om kei hi.

2 KORIN NIHNA 2:3

Ka lungdamna in note khempeuh lungdamna ahi hi ci-in ka lungmuang a, ka hong tun’ ciangin ka lung a hong damsak ding a kilawm mite pan dahna hong suah loh nadingin tu ma-in lai in ka hong khak hi.

2 SAMUEL NIHNA 18:33

Tua ciangin kumpipa lungsim nakpi takin sukha a, kulh kongpi tunga inndei sungah paito-in kap hi; a pai kawmin amah in, “Aw ka tapa Absalom, ka tapa, ka tapa Absalom! Nangma tangin kei sizaw taleng. Aw Absalom, ka tapa, ka tapa!” a ci hi.

1 SAMUEL MASA 8:3

Ahih hangin a tapate amah bangin gamta lo uh a, meetna lamah kihei uh hi; amaute in sumgolh la-in thuman heikhia uh hi.