Paunak 17:17 - Tedim Bible

¹⁷ Lawm citak in a tawntungin hong it a, i sanggamte in i lungkhamna hong thuakpih dinga piang ahi hi.

Tedim Bible Revision 2017

¹⁷ Lawm citak in a tawntungin hong it a, i sanggamte pen i lungkhamna a hong thuakpih dingin a piang ahi hi.

Paunak 17:17 Referans Kwoze

Paunak 18:24

Lawm pawlkhatte, sauvei kimang lo a, lawm pawlkhatte, sanggam sangin kipzaw hi.

1 SAMUEL MASA 20:17

Tua ciangin Jonathan in amah a itna David tungah kiciam pha kik hi; bang hang hiam cih leh ama pumpi a it zahin amah in David it hi.

Paunak 19:7

Mi khempeuh in a sanggam zawngpa uh mudah ciat a, a lawmte in a taisatna thu lamdang hi lo hi. A nungah zui-in a sap uh hangin amaute kimu zo nawn lo uh hi.

1 SAMUEL MASA 18:3

Tua ciangin Jonathan in David tawh thuciamna khat bawl hi.

Hebru 2:11

A siangthosak theipa leh siangthona a ngah mite in innkuan khat pan a piang uh hi. Tua ahih ciangin Zeisu in amaute, “Ute naute aw,” ci-in sap ding a maizumpih kei hi.

Ruth 1:16

Ahih hangin Ruth in, “Nang kong nusiat nading ahi a, nang zuihna pan ka ciahkik nading ahi zongin hong cici kei in; bang hang hiam cih leh na paina-ah ka pai ding a, na giahna-ah ka giak ding hi; na mite in keima mite hi ding a, na Pasian in keima Pasian hi ding hi;

Esther 4:14

Hih bang hunin bangmah hih lo-in na om cip leh, Judah mite’ suahtak nading leh noptuam nading thu mun dang khat pan hong piang veve ding a, ahi zongin nangmah leh na innkuanpihte i si mang ding uh hi. Hih kumpi inn na tun’na pen hih bang hun-a mah dinga tung na hih mel zong kua’n thei ahi hiam?” a ci hi.

2 SAMUEL NIHNA 1:26

Nangma hangin ka lungkham hi, ka sanggam Jonathan; kei tungah nong nop mahmah hi; kei nong itna lamdang a, numei itna sangin lianzaw hi.

1 SAMUEL MASA 23:16

Tua ciangin Saul’ tapa Jonathan ding-in David kiang Horesh ah pai a, Pasian in hong huh ding hi, ci-in amah hanthawn hi.

1 SAMUEL MASA 19:2

Jonathan in David kiangah, “Ka pa Saul in nang thah hong sawm hi; tua ahih ciangin zingsang ciangin kidawm in la, mun simtham khatah omin bu in,

2 SAMUEL NIHNA 15:21

Ahih hangin Ittai in kumpipa dawngin, “Topa nungta-in, ka to kumpipa nungta ahih mah bangin, sih nading ahi a, hin’ nading ahi zongin ka to kumpipa a omna peuhpeuh-ah na nasempa om ding hi,” a ci hi.

1 SAMUEL MASA 19:3

kei paikhia-in nangma omna phual nai-ah ka pa kiangah ka ding ding a, nangma thu ka pa kiangah ka gen ding hi; ama tung panin phawk ka neih leh nang kiangah kong gen ding hi,” a ci hi.

Paunak 16:28

Mihoih lote in kitotna piang sak a, mi gensiate in lawmta ki-it kimlai kimuhdah sak hi.

Paunak 19:13

Tapa hai in a pa’ lungkhamna hi a, zi phunphun in a theu thei lo guahciin tawh kibang hi.