Paunak 17:14 - Tedim Bible

¹⁴ Kitot i kipat ciangin tui lipi cin’na phung kehsak khak tawh kibang hi; tua ahih manin a nasiat ma-in kitot khawl pak in.

Tedim Bible Revision 2017

¹⁴ Kitot i kipat ciangin tui lipi cinna phung kehsak khak tawh kibang hi. Tua ahih manin a nasiat ma-in kitot khawl pak in.

Paunak 17:14 Referans Kwoze

Paunak 25:8

Thu khatpeuh na theih ciangin, thukhen zum tun’ pah kei in. Na vengpa in nang’ khialhna hong laktel kik leh, nang’ bang lawh nawn ding na hi hiam?

Paunak 20:3

Kitot khak ding pelhna in pahtak ngahna hi a, mihaite bek kitot ding ut uh hi.

1 THESALONIKA MASA 4:11

a pua lamah a om mite mai-ah akilawm gamta-in, sapna a om loh nadingin kote in ka hong vaikhak uh mah bangin, nuam takin omin, nomau’ na sem ciatin, nomau khut uh tawh na sep nadingun kote in hansuahin ka hong thuum uh hi.

Paunak 15:1

Kam neem-a dawn’na in hehna damsak a, kamkhauh in hehna piangsak hi.

ROM (Romans) 12:18

Note in na hih zawh zahun mi khempeuh tawh na kilem un.

Paunak 29:22

A heh pahpahte in kitotna piangsak a, a heh baihte khial thei tawntung hi.

Paunak 26:21

Meihol in mei am ding piangsak a, sing in mei kuangsak a, migilo in kitotna piangsak hi.

Paunak 17:19

Khialh ding a utte, lungkham ding a ut hi a, kihisak-a paupaute, buaina zongzong ahi hi.

Paunak 16:32

Vangliatna sangin lungduaina hoihzaw a, khuapi khat ukna sangin eima pumpi ki-uk zawhna hoihzaw hi.

Paunak 14:29

A lungduaite mipil hi a, lungtomna in haina kilatna hi.

Paunak 13:10

Hilh ding ut lo a, kihihsakna in kitotna bek piangsak thei a, hong kithuhilh ding utna in a hoihzaw ahi hi.

2 KHANG TANGTHU NIHNATE 28:6

Bang hang hiam cih leh amaute in a pu pate uh’ Pasian, Topa nusia uh ahih manin Remaliah’ tapa Pekah in ni khat thu-in amaute galhang mihing tul zakhat leh tul sawmnih, Judah gam sungah that hi.

2 KHANG TANGTHU NIHNATE 13:17

Abijah leh a mite in amaute tampi tak that uh hi; tua ahih ciangin Israel mi a kitengkhia mihing tul zanga a kithatin tuk hi.

2 SAMUEL NIHNA 19:41

Tua ciangin Israel mite khempeuh kumpipa kiangah hong pai-in kumpipa kiangah, “Bang hangin ka sanggam uh Judah mite in nang hong gu khia-in, kumpipa leh a innkuante, leh David’ mite amah tawh, Jordan gal-ah paipih ahi hiam?” a ci uh hi.

Paunak 19:11

Pilna in mi lungduaisak a, mi’ hong hehsaknate kiphawkmawh bawlna in minthan’na hi.