Paunak 16:9 - Tedim Bible

⁹ Mihing in thu geel a, ahi zongin Topa’ deihna bangin kisemkhia hi.

Tedim Bible Revision 2017

⁹ Mihing in thu geel a, ahi zongin Topaʼ deihna bangin kisem khia hi.

Paunak 16:9 Referans Kwoze

Paunak 19:21

Mihing’ ngaihsutna ah thu tampi om a, ahi zongin Topa’ deihna tawh a kituakte bek kimang ding hi.

Late 37:23

Mi khat’ kalsuannate Topa’ kiang pan hi a, ama lungkim banga a gamtapa amah in kipsak hi;

Paunak 16:1

Mite in bangbang a geel zongin, Topa’ deihna bang bekin a piang ding hi zaw hi.

Paunak 20:24

Topa in mihingte’ gamtat nading uk hi; koici gamtat ding cih mihing in bangci theih ding ahi hiam?

Jeremiah 10:23

Topa aw, mihing’ omdan ama’ uk theih hi lo hi, cih ka thei ta hi; ama’ kalsuan nading ama’ geel theih hi lo hi.

Paunak 21:30

Pilna, theihna, thugennate in, Topa’ mai-ah bangmah man lo hi.

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Paunak 16:8

Thuman lo-a hauhna sangin, thuman-a tawmno neihna hoihzaw hi.

1 SAMUEL MASA 9:16

“Zing ciang tu bang hunin Benjamin gam sung panin nang kiangah mi khat kong sawl ding a, nangmah in ka mi Israel tungah ulian dingin amah sathau na nilh ding hi. Amah in Filistiate khut sung panin ka mite honkhia ding hi; bang hang hiam cih leh amaute’ kikona kei kiang hong tung khin ahih manin ka mite’ gimna ka mu khin zo hi,” a ci hi.

2 KHANG TANGTHU NIHNATE 22:7

Ahih hangin Jehoram kiangah hawh dingin a paina tawh Ahaziah’ puk nading a tun’ nading Pasian’ sehsa a hi hi. Bang hang hiam cih leh tua lai-ah amah hong pai ciangin, Ahab innkuan a susia dingin Topa in sathau a nilhsa Nimshi’ tapa Jehu tawh a kimu dingin Jehoram tawh paikhia hi.

Paunak 21:1

Topa’ khut sungah kumpipa om a, lo sunga tui lak bangin a deihna peuhah hei kawikawi thei hi.