Paunak 16:8 - Tedim Bible

⁸ Thuman lo-a hauhna sangin, thuman-a tawmno neihna hoihzaw hi.

Tedim Bible Revision 2017

⁸ Thuman loin hauhna sangin thumanin tawmno neihna a hoih zaw ahi hi.

Paunak 16:8 Referans Kwoze

Paunak 15:16

Hau napi-a lungkham sangin, zawng napi-a Topa zahtakna hoihzaw hi.

Late 37:16

Migilote’ hauhna sangin thuman mite’ tawmno khat neih hoihzaw hi.

Jeremiah 17:11

Thu manlo pi tawh a hau mi in ama’ tui lopi keuhsak dinga a op sim vasa tawh kibang hi. A khan’ lai-in a neihsa teng a taan ding a, a tawpna-ah mihaipi a suak ding hi.

Micah 6:10

Thuman lopi-in a ngah uh, migilote’ inn sunga van omte, leh ka deih loh tawitehna man lo zatnate, mangngilh thei ding ka hi hiam?

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

Paunak 16:9

Mihing in thu geel a, ahi zongin Topa’ deihna bangin kisemkhia hi.

Thuhilh-sia 4:6

Nakpi-in na sem a, a mawknapi ahi ding khut nih dim sangin, lungsim nuam-a khut khat dim neihna hoihzaw hi.

Paunak 15:17

Kitawngtawng kawm-a sa meh limpen nekna sangin, ki-it diamdiam-a anteh meh nek hoihzaw hi.

Paunak 17:1

Kitawng kawmin pawipi sungah an nekna sangin, lungnuam takin moh keu themkhat nekna hoihzaw hi.

Paunak 28:6

Hau napi-a mi lungsim kawi hihna sangin, zawng napi-a pauban’ neih lohna hoihzaw hi.