Paunak 16:6 - Tedim Bible

⁶ Thumanna leh cihtakna in mawhmai ngahna hi a, Topa zahtakna in siatna tawh kipelhna hi.

Tedim Bible Revision 2017

⁶ Thumanna le cihtakna mawhmai ngahna hi a, Topa zahtakna siatna tawh kipelhna ahi hi.

Paunak 16:6 Referans Kwoze

Paunak 14:16

Mipilte in Topa zahtakin siatna panin kihem a, mihaite in thu ngaihsun masa loin gamta pahpah hi.

JOB (Job) 28:28

Tua ciangin amah in mihingte tungah, ‘Topa zahtakna in pilna ahi hi, siatna pelhna in thu theihna ahi hi,’ ci hi,” a ci hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Luka 11:41

Ahih hangin kuang sunglam a om nate mizawngte na pia un. Tua bang na hih uh leh, na khempeuh note mai-ah a siangtho ding hi.”

Paunak 14:27

Topa zahtakna in nuntakna tuinak tawh kibang a, sihna thang tawh kipelhsak hi.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Paunak 20:28

Kumpipa in itna tawh thuman, thutang, citakin a uk lai teng, a kumpi za-ah kip bek hi.

Sawltak 15:9

amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

Nehemiah 5:15

Keima hun ma-in a ukte in mite tungah vangikpi suan uh a, amaute tung panin ni simin an leh lenggahzu ngun shekel sawmli man la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Nehemiah 5:9

Tua ciangin keimah in, “Note’ gamtatna hoih lo hi. I gal ahi mi namdangte’ zahkohna i ngah loh nadingin i Pasian zahtakna tawh na gamtat ding uh kilawm hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Efesa 5:21

Khazih zahtakna hangin khat leh khat nuai-ah na pumpi uh na kiniamsak un.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Late 85:10

Itna kip leh thutakna kigawm ding a, thumanna leh kilemna kihual ding uh hi.

Piancilna 20:11

Abraham in, “Hih lai munah Pasian zahtakna om het lo hi, ka zi’ hangin amaute in kei hong that ding hi, ci-in ngaihsun kha ka hih manin hih bangin ka gamta hi.

Paikhiatna 1:17

Ahih hangin naudomte in Pasian zahtak uh a, Izipt kumpipa in amaute a thupiak bangin gamta lo uh hi, nau pasalte nungtasak uh hi.

Paikhiatna 20:20

Moses in mite' kiangah, “Lau kei un; bang hang hiam cih leh note na khialh khak loh nadingun note in amah na kihtak theih nadingun note a entel dingin Pasian hong pai ahi hi,” a ci hi.

Paunak 3:7

Nangmah mah a pilin kingaihsun tawm kei in la, Topa zahtakin, a sia pel in.

Paunak 16:5

Topa in akihisak mite mudah a, daan a thuak hamtang nading uh, thei in.

Siampi Laibu 25:17

Note khat leh khat kikhem loin na Pasian uh na zahtak ding uh hi; bang hang hiam cih leh keimah in Topa na Pasian uh ka hi hi.

Thu-hilhkikna 30:13

Note in, ‘Eite in a thu za-in i sep theih nadingin kua in tuipi gal khatah hong paisakin hong laksak ding ahi hiam?’ na cih theih nadingun tuipi gal-a om zong hi lo hi.

Paunak 3:3

Thumanna leh cihtakna khahsuah ngei kei in la, na ngawng-ah tuate ok in, na lungtang tungah gelh in.

Paunak 14:2

Thuman-a gamta mite in Topa zahtak a, a sia-a gamta mite in simmawh hi.

Daniel 4:24

Kumpipa aw, a khiatna pen hi bang ahi hi. Sang pen Pasian in na tunga hong tung ding a thukhennasa a hong lak ahi hi.