Paunak 16:5 - Tedim Bible

⁵ Topa in akihisak mite mudah a, daan a thuak hamtang nading uh, thei in.

Tedim Bible Revision 2017

⁵ Topa in a kihisak mite mudah a, amaute in gimna thuak hamtang uh hi.

Paunak 16:5 Referans Kwoze

Paunak 11:21

Migilote in daan a thuak hamtang nading, midikte daan tawh a kipelh nading thei in.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Jeim 4:6

Topa in thupha hehpihna a tamzaw hong pia hi. Tua ahih ciangin Lai Siangtho sungah a gen-inah, “A kisatheite Pasian in kham a, ahih hangin lung kiniamkhiat mite thupha hehpihna a pia hi,” ci-in a gen hi.

JOB (Job) 40:12

Mi kiphasakte enin niamkhiat in la, migilote amau omna mun mun-ah tuancil in.

Isaiah 3:11

Mi gilo in gimna ngah ta hen! Ama khut in a hihsate ama tung mah ah kithukkik ding ahih manin ama tungah thu sia ding hi.

Paikhiatna 20:7

“Topa na Pasian’ min na zangkhai ngaihsut kei ding hi; bang hang hiam cih leh Topa in ama' min a zangkhai ngaihsut mi a mawh lo hi, ci lo ding hi.

Paunak 6:29

Tua mah bangin, mi zi tawh a mawhte in thuak ding a, tua banga gamta peuhmah in thuak ding uh hi.

Paunak 16:4

Topa in na khempeuh ngimna nei-in bawl a, migilote nangawn siatna thuak dingin a bawl ahi hi.

Paunak 16:6

Thumanna leh cihtakna in mawhmai ngahna hi a, Topa zahtakna in siatna tawh kipelhna hi.

Jeremiah 13:15

Ngai un la, na bil uh ngat un; kisathei kei un, bang hang hiam cih leh Topa in thu a gen zo hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;